گه‌ڕان

Shadow Shadow
سیاسه‌تی

زانیاریی زیاتر

’’بەهۆی ئەوەی وتی نەورۆز حەرامە مامۆستایەکی ئاینی دەستگیردەکرێت’’

2022.03.20 - 08:53
App store icon Play store icon Play store icon
’’بەهۆی ئەوەی وتی نەورۆز حەرامە مامۆستایەکی ئاینی دەستگیردەکرێت’’

ناس کورد- 

بەهۆی ئەوەی نەورۆز بە جەژنی  کافر و ئاگرپەرستەکان ناودەبات و ئەوانەی ئەو یادەش بکەنەوە بەموشریک ئەژمار دەکات، فەرمانی دەستگیرکردن بۆ مامۆستایەکی ئاینی لە کۆیە دەرچوو و لە وتاردانیش دوورخرایەوە.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا بەڕێوەبەرایەتی ئەوقافی کۆیە ڕایگەیاند، دوێنێ شەممە 19-3-2022، گرتەیەکی ڤیدیۆیی مامۆستایەکی ئایینی بەناوی" رزگار کەریم وەھاب" لەتۆڕە کۆمەلایەتیەکان بڵاوبووەتەوە کە تیایدا ناوبراو بۆنەی  نەتەوەیی نەورۆز بە جەژنی  کافر و ئاگرپەرستەکان ناودەبات و ئەوانەی ئەو یادەش بکەنەوە بەموشریک ئەژماردەکات." 

 

ئاماژەی بەوەشکردووە، "هەر دوێنێ شەممە بەڕێز  داواکاری گشتی بەپێی رێکاری یاسایی داوای لەدادگای لێکۆڵینەوەی کۆیە کردووە داوای یاسایی لەسەر بجوڵێنن و لە ئەنجامدا فەرمانی دەستگیرکردنی بۆ دەرچووە، سەرەرای گرتنەبەری رێکاری کارگێڕی و دوورخستنەوەی ناوبراو لەکاری  ووتارخوێنی لەلایەن بەڕێوەبەرایەتی ئەوقافی کۆیە." 

 

ئەوقافی کۆیە دەشڵێت، " ئێمە دووپاتی دەکەینەوە کەسایەتیە ئاینیە دڵسۆزەکان لە رابردوو ئێستادا لەرێزی پێشەوەی نیشتیمان پەروەراندا بوونە و بگرە سەرکردایەتی زۆرشۆرش و راپەرینەکانیشیان کردووە، بۆیە قسە و ووتەکانی کەسێک تەنھا دەربڕینی ڕای تاکە کەسی خۆیەتی و بێگومان لەناو ھەموو چین و توێژەکانیش بیر و ئایدیای جیاواز و نەشازیش ھەیە، لە کۆتاییدا  نەورۆز و سەری ساڵی کوردی لەھەموو لایەک پیرۆز دەکەین بە ھیوای  بەسەر بردنی کاتێکی خۆش لە رۆژانی نەورۆزدا."