گه‌ڕان

Shadow Shadow
سیاسه‌تی

’’قبوڵکراو نییە ’’

کۆمەڵ لەبارەى ’’بنکەى ئیسرائیلى’’ لەهەولێر داوایەک لە حکومەت دەکات

2022.03.13 - 23:03
App store icon Play store icon Play store icon
کۆمەڵ لەبارەى ’’بنکەى ئیسرائیلى’’ لەهەولێر داوایەک لە حکومەت دەکات

ناس کورد-

 

وتەبێژى کۆمەڵى دادگەرى داوا لە حکومەت دەکات بەفەرمی بوونی بنکەی ئیسرائیلی ڕەتبکاتەوە، بۆ ئەوەى چیتر بەو پاساوە هێرش نەکرێتە سەر هەولێر، جەختیشدەکاتەوە بوونی بنکەی لەو شێوەیە لای خەڵک قبوڵکراو نییە.

کەناڵی ناس کورد لە تێلیگرام جۆین بکە   

 

محەمەد حەکیم (13-3-2022) لە راگەیەنراوێکدا کە دەست "ناس کورد" کەوتووە ئاماژەى بەوەکردووە "پێویسته لەسەر حکومەت و سەرۆکایەتی ھەرێمی کوردستان لەچوارچێوەی نەهێشتنی بیانوو پاساوەکان بۆ دووبارە کردنەوەی ئەو هێرشانه وەڵامی ئەو دەنگۆیانه بە بەڵگەوە بخەنەڕوو".

 

دەقى راگەیەنراوەکە:

 

هێرشە موشەکییەکەی سەر هەولێرو پرسیارێک ؟

بەشێوەیەکی گشتی لە هەر وڵاتێکی سەقامگیردا؛ ھەموو ھاوڵاتییەک نیگەران دەبێت شارو خاکی موشەکباران بکرێت،  بەڵام دۆخ و پێگەی سیاسی ھەرێمی کوردستان و عێراقیش وەکو دەوڵەت لە ئاستێکدان جگە لە نیگەرانی و ئیدانەکردن ناتوانن هیچ بەرهەڵستییەک یان بەرگرییەکیان بەرامبەر بۆردومان و موشەکبارانکردنیان لەلایەن تورکیا و ئێران و ئەمریکاوە هەبێت.

 

بەڵام ئەوەی جێی ھەڵوەستەیە دەنگۆی بوونی بنکەی ئیسرائیلییە له هەولێر کە سوپای پاسدارانی ئێران ئاماژەی بۆ کردووەو، وەک هۆکاری هێرشە موشەکییەکانی ناوی بردوون، پێویسته لەسەر حکومەت و سەرۆکایەتی ھەرێمی کوردستان لەچوارچێوەی نەهێشتنی بیانوو پاساوەکان بۆ دووبارە کردنەوەی ئەو هێرشانه وەڵامی ئەو دەنگۆیانه بە بەڵگەوە بخەنەڕوو.

 

ئەوەش ڕوونە کە ئیسرائیل بەتایبەتی دەزگای مۆساد لە ھەموو شوێن بوونی ھەیە، بەڵام ئێمە زۆر جار لە دەرەوەو لە بەر ناوبانگی میللەتی کورد ئەم دەنگۆیانەمان رەدکردۆەتەوە.

 

دەزگا فەرمییەکانی حکوومەتی هەرێمی کوردستان پێویسته بەفەرمی بوونی بنکەی ئیسرائیلی له هەولێر ڕەتبکەنەوەو  گەر راستە بوونی نیە ، بۆ ئەوەی بەو پاساوەوە هێرش نەکرێتە سەر هیچ شارێکی هەرێم، هەروەها بوونی بنکەی ئیسرائیلی لای خەڵکی هەرێمی کوردستانیش مەقبول نیە.

بە ھەموو پێوەرەکان تازە کورد لە ململانێ هەرێمی و جیھانییەکان نەک ناتوانێت بێلایەن بێت بگرە دابەشیش ئەبێت بەسەر جەمسەرەکاندا.