گه‌ڕان

Shadow Shadow
سیاسه‌تی

زانیارى زیاتر

فەڕەنسا: هێرشەکەى هەولێر گەڕانەوە بۆ  رێککەوتنى ئەتۆمى پەکدەخات

2022.03.13 - 19:10
App store icon Play store icon Play store icon
فەڕەنسا: هێرشەکەى هەولێر گەڕانەوە بۆ  رێککەوتنى ئەتۆمى پەکدەخات

ناس کورد-

 

فەڕەنسا ئیدانەى توندى هێرشەکەى هەولێرى کرد و رایگەیاند، ئەو جۆرە هێرشانە هەوڵەکان بۆ زیندووکردنەوەى رێککەوتنى ئەتۆمى ئێران پەکدەخات.

کەناڵی ناس کورد لە تێلیگرام جۆین بکە   

 

وتەبێژى وەزارەتی ئەوروپا و کاروباری دەرەوەى فەڕەنسا لە بەیاننامەیەکدا (13-3-2022) کە دەست "ناس کورد" کەوتووە جەختیکردووەتەوە ئەو هێرشە کە ئێران لەئەستۆى گرتووە، هەڕەشە لەسەقامگیریی عێراق و هەرێم دەکات.

 

Image

شەوی ڕابردوو هێرشێكی مووشەكی کرایەسەر چەند ناوچەیەك لە هەولێری پایتەختی هەرێمی کوردستان و سوپاى پاسدارانى ئێرانیش بەرپرسیارێتى هێرشەکەى لەئەستۆ گرت.      

  

لە راگەیەنراوێکدا سوپای پاسدارانی ئێران (یەکشەممە 13-3-2022) ڕایگەیاند، "لەدوای تاوانەكانی ئەمدواییەی ئیسرائیل ڕامانگەیاند کە ئەو تاوانانە بە بێ وەڵام تێناپەڕێت، هەربۆیە شەوی ڕابردوو ناوەندی ستراتیژیی پلانگێڕییەكانی ئیسرائیل بە مووشەكی سوپای پاسداران كرایە ئامانج."        

  

لەبەرانبەردا حکومەتى هەرێم لە راگەیەنراوێکدا رەتیکردەوە شوێنی بە ئامانجکراو بنکەی ئیسرائیلی بێت و دەڵێت، "شوێنی بەئامانجکراو، شوێنێکی مەدەنی بووە و ئەم پاساوە، تەنیا بۆ شاردنەوەی ئەم تاوانە قێزەونەیە".