گه‌ڕان

Shadow Shadow
سیاسه‌تی

بەپەلە

ئەمەریکا هەڵوێستى خۆى لەسەر هێرشەکەى هەولێر راگەیاند

2022.03.13 - 17:15
App store icon Play store icon Play store icon
ئەمەریکا هەڵوێستى خۆى لەسەر هێرشەکەى هەولێر راگەیاند

ناس کورد-

 

 باڵیۆزی ئەمریکا لە عێراق رایگەیاند، پێکهاتەکانی سەر بە ئێران دەبێت ڕوبەڕوی بەرپرسیارێتی بکرێنەوە لەبەرانبەر هێرشە موشەکییەکەى سەر هەولێر.

 

کەناڵی ناس کورد لە تێلیگرام جۆین بکە   

 

ماسیو تولەر (13-3-2022) لە بەیاننامەیەکدا کە دەست "ناس کورد" کەوتووە وتى "ویلایەتە یەکگرتووەکانی ئەمریکا ئیدانەی ئەو هێرشە تاوانکاریە دەکات کە بۆ سەر ئامانجی مەدەنی لە هەولێر ئەنجامدرا". 

 

دەشڵێت "پێکهاتەکانی سەر بە ڕژێمی ئێران بەرپرسیارێتی ئەنجامدانی ئەم هێرشەیان گرتووەتە ئەستۆ و دەبێت ڕوبەڕوی بەرپرسیارێتی بکرێنەوە لەبەرامبەر ئەم پێشێلکاریە زەقەی سەروەریی عێراق و هەروەها لە بەرامبەر هێرشی تیرۆرستی بۆ سەر موڵك و ماڵی کەسانی مەدەنیی بێتاوان".

 

شەوی ڕابردوو هێرشێكی مووشەكی کرایەسەر چەند ناوچەیەك لە هەولێری پایتەختی هەرێمی کوردستان و سوپاى پاسدارانى ئێرانیش بەرپرسیارێتى هێرشەکەى لەئەستۆ گرت.  

  

لە راگەیەنراوێکدا سوپای پاسدارانی ئێران (یەکشەممە 13-3-2022) ڕایگەیاند، "لەدوای تاوانەكانی ئەمدواییەی ئیسرائیل ڕامانگەیاند کە ئەو تاوانانە بە بێ وەڵام تێناپەڕێت، هەربۆیە شەوی ڕابردوو ناوەندی ستراتیژیی پلانگێڕییەكانی ئیسرائیل بە مووشەكی سوپای پاسداران كرایە ئامانج."    

  

لەبەرانبەردا حکومەتى هەرێم لە راگەیەنراوێکدا رەتیکردەوە شوێنی بە ئامانجکراو بنکەی ئیسرائیلی بێت و دەڵێت، "شوێنی بەئامانجکراو، شوێنێکی مەدەنی بووە و ئەم پاساوە، تەنیا بۆ شاردنەوەی ئەم تاوانە قێزەونەیە".