گه‌ڕان

Shadow Shadow
سیاسه‌تی

زانیاریی زیاتر

ئاگادارییەک بۆ ئەو کەسانەی ئۆتۆمبێلەکانیان بەناوی خۆیانەوە نییە

2022.03.12 - 16:17
App store icon Play store icon Play store icon
ئاگادارییەک بۆ ئەو کەسانەی ئۆتۆمبێلەکانیان بەناوی خۆیانەوە نییە



ناس کورد- 

وتەبێژی هاتوچۆی هەولێر ڕایگەیاند، ئەو هاووڵاتیانەی پێش سەری ساڵ بە گرێبەستی کۆن ئۆتۆمبێلیان کڕیوە دەتوانن تاوەکو 2022/03/15، بە گرێبەستی کۆن بیگوازنەوە سەر ناوی خۆیان و لەدوای 15ی مانگ بڕیاری نوێ لەوبارەیەوە دەدرێت. 

 

کەناڵی ناس کورد لە تێلیگرام جۆین بکە   

 

فازڵ حاجی، وتەبێژی هاتوچۆی هەولێر (شەممە 12-3-2022) بە "ناس کورد"ی ڕاگەیاند، "پێشتر کە بڕیاری گرێبەستی ئەلکترۆنی چووە بواری جێبەجێکردنەوە، وەک هاوکارییەک بۆ ئەوانەی پێشتر ئۆتۆمبێلیان کڕیوە و نەیانکردووە بە ناوی خۆیانەوە بڕیاردرا تاوەکو 15-3-2-2022 کار بە گرێبەستە کۆنەکە بکرێت و ئێستا ئەو وادەیە چەند رۆژێکی ماوە و هاووڵاتیان دەتوانن تاوەکو ئەوکاتە بێن و ئۆتۆمبێلەکانیان بکەن بە ناوی خۆیانەوە." 

 

وتیشی، "نازانین وادەکە درێژدەکرێتەوە یاخود نا، بەڵام بە ئەگەرێکی زۆر درێژناکرێتەوە و دوا وادە دەبێت، چونکە ماوەیەکی زۆر لەبەردەم هاووڵاتیاندا بوو کە مامەڵەکانیان بکەن و زۆرێکیشیان کردوویانە." 

 

وتەبێژی هاتوچۆی هەولێر باسی لەوەشکرد، " ئێستا گرێبەستی ئەلیکترۆنی رانەگیراوە و لە سەری ساڵەوە هەر مامەڵەیەک کرابێت بە گرێبەستی ئەلیکترۆنی بووە."