گه‌ڕان

Shadow Shadow
سیاسه‌تی

زیاتر بخوێنەوە

بارزانی: لە ژێر هەر گوشارێكدا ئیرادەی گەلی كوردستان ناشكێت

2022.03.11 - 10:21
App store icon Play store icon Play store icon
بارزانی: لە ژێر هەر گوشارێكدا ئیرادەی گەلی كوردستان ناشكێت

ناس کورد-

مەسعود بارزانی، سەرۆکی پارتی دیموکراتی کوردستان ڕایگەیاند، ڕێککەوتننامەی 11ـی ئادار دەستكەوتێكی گرنگی بزووتنەوەی رزگاریخوازی گەلی كوردستان بوو و بەڵگەیەكی روونە لە سەركەوتنی شۆڕش و ئیرادەی گەلی كوردستان و دەشڵێت، "لە هەر بارودۆخ و لەژێر هەر گوشارێكدا ئیرادەی گەلی كوردستان ناشكێت."

کەناڵی ناس کورد لە تێلیگرام جۆین بکە   

 

بارزانی لە ڕاگەیەنراوێکدا (11-3-2022) بە بۆنەی تێپەڕبوونی 52 ساڵ بەسەر ڕێککەوتنەکەدا دەڵێت، "لە ئەنجامی پێداگری و خۆڕاگریی گەلی كوردستان و شۆڕش، بە ڕابەرایەتیی جەنابی بارزانیی نەمر ڕژێمی عێراق ناچار كرا كە لە یازدەی ئاداری 1970ـدا بۆ یەكەم جار و بە شێوەیەكی فەرمی دان بە بەشێك لە مافەكانی گەلەكەماندا بنێت."

 

دەشڵێت، "یازدەی ئاداری 1970، بەڵگەیەكی ڕوونە لە سەركەوتنی شۆڕش و ئیرادەی ڕەوای گەلی كوردستان بەسەر نكۆلیكاریی ناحەزانی گەلی كوردستان و هەوڵەكانیان بۆ سڕینەوەی گەلەكەمان. ڕێككەوتننامەی یانزدەی ئازار بەرهەمی خەبات و قوربانیدانی پێشمەرگە و سەرجەم چین و توێژ و پێكهاتە ئایینی و نەتەوەییەكانی كوردستان بوو. ئەو خەباتەی لەپێناو بەرقەراربوونی پێكەوەژیان و شەراكەت و دادپەروەری و ئاشتیدا بەردەوام بوو و گەییشتە ئەنجام."


"ڕاستە لەدوای ڕێككەوتنی یازدەی ئازاریش ڕژێمی عێراق ڕێگەی پەیمانشكێنی و ملهوڕی گرتەبەر بەڵام ئیرادەی گەلەكەمان بۆ بەردەوامی خەبات و خۆبەدەستەوەنەدان هەر بەردەوام بوو و، بووە هۆی بەدەستهاتنی دەستكەوتی گەورەتر."


"لە ساڵیادی ڕێككەوتننامەی یازدەی ئازاردا جەخت لە پەیامی ئاشتیخوازانە و پێكەوەژیانی گەلی كوردستان دەكەینەوە و ئەوەش دووپات دەكەینەوە كە لە هەر بارودۆخ و لەژێر هەر گوشارێكدا ئیرادەی گەلی كوردستان ناشكێت و، كوردستان دەستبەرداری ئازادی و مافە ڕەواكانی نابێت."