گه‌ڕان

Shadow Shadow
سیاسه‌تی

بەریتانیا هۆشداری تووندی داوەتە ئیران

ئێران: کەشتیە بەریتانیەکە لەگەڵ کەشتییەکی ڕاوکردندا تووشی ڕووداو بووە بۆیە کۆنتڕۆڵکراوە

2019.07.20 - 10:43
App store icon Play store icon Play store icon
ئێران: کەشتیە بەریتانیەکە لەگەڵ کەشتییەکی ڕاوکردندا تووشی ڕووداو بووە بۆیە کۆنتڕۆڵکراوە

کەناڵی ناس کورد لە تێلیگرام جۆین بکە   

ناس کورد بەرپرسێکی کۆماری ئیسلامی ئێران ڕایگەیاندووە، کەشتیە بەریتانیە دەستبەسەرکراوەکە، بەهۆی ئەوەی لەگەڵ کەشتییەکی ڕاوکردندا تووشی ڕووداو بووە و ئامادەنەبووە بوەستێت کۆنتڕۆڵکراوە. . ئەمڕۆ شەممە 20ی تەمموزی 2019، ئەلاموراد عەفیفی پور بەرپرسی گشتی دەریاوانی پارێزگای هورموزگان ڕایگەیاند کەشتیە نەوتهەڵگرەکەی بەریتانیا لە ئاوەکانی هورموزدا لەگەڵ کەشتییەکی ڕاوکردندا تووشی ڕووداو بووە. . ئەو بەرپرسەی ئیران ئاماژەی بەوەکردووە، تیمی کەشتیوانی کەشتی ڕاوکردنەکە پەیوەندییان بە کەشتیە بەریتانیەکەوە کردووە بەڵام وەڵامیان نەداونەتەوە. . بەپێی میدیاکانی ئێران کەشتییە بەریتانیەکە بەیانی ئەمڕۆ لە لایەن سوپای پاسدارانەوە گوازراوەتەوە بۆ بەندەری، بەندەرعەباس و ڕادەستی بەرپرسانی ئیداری ناوچەکە کراوە. . کەشتیە بەریتانیەکە 23 کەشتیوانی لەسەرە، 18 کەسیان هیندی، پێنج کەسی تریان ڕووسی و فلیپینی و لیتوانین. . لە کاردانەوەی کۆنتڕۆڵکردنی ئەوکەشتیە نەوتییە، جێرمی هانت وەزیری دەرەوەی بەریتانیان هۆشداری دا بە ئێران ئەگەر کەشتییەکە ئازاد نەکات ڕووبەڕووی کاردانەوەی "جددی توند" دەبێتەوە. . پێشتر سوپای پاسداران لەبەیاننامەیەکدا ڕایگەیاند بەهۆی ڕەچاو نەکردنی یاسا نێودەوڵەتییەکان کەشتیە بەریتانیەکە ڕاگیراوە. . ئەمە لە کاتێکدایە کۆتایی مانگی ڕابردوو، لە گەرووی جەبەل تارێق هێزی دەریایی بەریتانیا کەشتییەکی نەوتهەڵگری ئێرانیان کۆنتڕۆڵکرد. .