گه‌ڕان

Shadow Shadow
سیاسه‌تی

زانیارى زیاتر

رێکخراوێکى جیهانى ھەرێمى کوردستانى بەفەرمى ناساند

2022.03.04 - 19:42
App store icon Play store icon Play store icon
رێکخراوێکى جیهانى ھەرێمى کوردستانى بەفەرمى ناساند

ناس کورد-

 

قوباد تاڵەبانى جێگرى سەرۆکى حکومەتى هەرێم رایگەیاند، ئەمرۆ رێکخراوی ISO ھەرێمی کوردستانی لەناو سیستەمی خۆی بە کۆدی (IQ-KR) وەک ھەرێمێک ناساند.

کەناڵی ناس کورد لە تێلیگرام جۆین بکە   

 

قوباد تاڵەبانى لەراگەیەنراوێکدا کە دەست "ناس کورد" کەوتووە ئاماژەى بەوەکردووە، "چەند ساڵێک لەمەوپێش لە گفتوگۆیەکمدا لە تویتەر، بەڵێنمدا کار بکەم بۆ دروستکردنی ئیمۆجی کوردستان، بە خۆشحاڵیەوە ئەمرۆ رێکخراوی ISO ھەرێمی کوردستانی لەناو سیستەمی خۆی بە کۆدی (IQ-KR) وەک ھەرێمێک ناساند".

 

دەشڵێت "ئەم ناساندنە؛ جگە لە رێگەخۆشکردن بۆ دروستکردنی ئیمۆجی ئاڵای کوردستان، کۆمەڵێک ھەل بۆ بەرەوپێشبردنی پرۆسەی بە دیجیتاڵکردنی حکومەت دەرەخسێنێت و لە نێویاندا بەبازاڕکردنی ئەلکترۆنی و خزمەتگوزارییەکانی بانک و پۆستە".

 

دوای رە‌زامە‌ندی رێکخراوی ئایسۆ (ISO) و دابینکردنی کۆدی تایبەت بە خۆی، ھە‌رێمی کوردستان بەپێی ڕێنماییەکانی رێکخراوی یونیکۆد (Unicode) دەتوانێت ببێتە خاوەنی ئیمۆجی ئاڵای کوردستان. 

 

جێگری سە‌رۆك وە‌زیران ستایشی رۆڵی ھە‌ردوو وە‌زارە‌تی پلاندانانی حكومە‌تی عێراق و حكومە‌تی ھە‌رێمی كوردستانی كرد كە‌ ھاوكار بوون لە‌م پرۆسە‌یە‌.

 

کۆدی هەرێمی کوردستان لە ئێستادا پارێزگاکانی هەولێر و سلێمانی و دهۆک لەخۆ دەگرێت و داوای زیادکردنی کۆدی پارێزگای هەڵەبجەش کراوە کە لە داهاتوویە‌كی نزیکدا زیاد دەکرێت.

 

رێکخراوی (ئایسۆ International Organization for Standardization ) رێکخراوێکی جیھانیە‌ تایبە‌تە‌ بە‌ دانانی پێوە‌رە‌کانی مۆڵە‌تە‌ بازرگانی و پیشە‌سازییە‌کان و کارە‌کانی پە‌یوە‌ست بە‌ تە‌کنە‌لۆجیا و دروستکردنی پە‌یوە‌ندی لە‌نێوان دامودە‌زگاکانی وڵاتان و‌ تاوەکو‌ ئێستا زیاتر لە‌ ١٦٠ وڵات‌ لە‌لایە‌ن ئە‌‌م رێکخراوە‌ ناسێندراوە‌‌.