گه‌ڕان

Shadow Shadow
سیاسه‌تی

زانیاریی زیاتر

كێ دەبێت بە سەرۆك كۆمار؟ بەرێوەبەری سەنتەری توێژینەوەی فەرەنسی عێراقی وەڵام دەداتەوە

2022.03.03 - 23:46
App store icon Play store icon Play store icon
كێ دەبێت بە سەرۆك كۆمار؟ بەرێوەبەری سەنتەری توێژینەوەی فەرەنسی عێراقی وەڵام دەداتەوە

ناس کورد- 

عادل باخەوان، بەرێوەبەری سەنتەری توێژینەوەی فەرەنسی عێراقی لە نوسینێکدا لەژێر ناونیشانی "کێ ئەبێ بە سەرۆککۆماری عێراق ؟" دەڵێت، هەر کاندیدێک باشتر لە هاوکێشەکە تێبگات و کارتەکان بەکاربێنێت شانسی بوون بە سەرۆککۆماری بەرزتر دەبێتەوە.

کەناڵی ناس کورد لە تێلیگرام جۆین بکە   

 

دەقی نوسینەکەی عادل باخەوان: 



کێ ئەبێ بە سەرۆککۆماری عێراق ؟

 

عادل باخەوان

 

سەرۆککۆمار لە نێو تۆڕەکۆمەڵایەتیەکاندا هەڵنابژێردرێ، بەڵکو لەنێو پەرلەماندا و ئەوانەی دەنگدەدەن ڕۆژنامەنوسەکان نین،  بەڵکو ۳۲۹ پەرلەمانتاران.

 

بەشێک لەم پەرلەمانتاران تەنها بە پارە کڕین و فرۆشتنیان پێوەدەکرێ وکێ بتوانێ بیانکڕێ دەنگ بەو ەدەن.

 

بەشێکی دیکەیان لە ژێر فشار و هەڕەشەدا دەنگدەدەن و کێ بتوانێ فشاری زیاتریان بخاتە سەر دەنگ بەو دەدەن.

 

بەشی سێهەمیان ئەوانەن کە تەنها و تەنها بە فەرمانی حیزبەکانیان دەنگدەدەن و هاوپەیمانی لەگەڵیاندا ئاڕاستەیاندەکات.

 

بەشی چوارهەمیان تەنها و تەنها بەپێی ئاڕاستە ئایدۆلۆژیەکانیان نەک حیزبیەکانیان دەنگدەدەن.

 

دوا بەشیش ئەوانەن تا دوا چرکە خۆیان یەکلاییناکەنەوە و ڕۆژی دەنگدان بڕیاردەدەن.

 

لێرەوە هەر کاندیدێک باشتر لەم هاوکێشە عێراقیە تێبگات و کارتەکان بەکاربێنێت شانسی بوون بە سەرۆککۆماری بەرزتر دەبێتەوە.