گه‌ڕان

Shadow Shadow
چیرۆكه‌كانمان

شوێنى حەوانەوەى حاجیانى هەرێم چۆنە و ئوتێلەکان چەند ئەستێرەن؟

تا ئێستا نیوەى حاجیانى هەرێم گەیشتونەتە سعودیە

2019.07.19 - 21:36
App store icon Play store icon Play store icon
تا ئێستا نیوەى حاجیانى هەرێم گەیشتونەتە سعودیە

کەناڵی ناس کورد لە تێلیگرام جۆین بکە   

ناس کورد- هەڤاڵ فەتاح بەڕێوەبەرایەتی گشتی حەج و عەمرەی هەرێمی کوردستان ڕایگەیاند، لەکۆی زیاتر لە حەوت هەزار کەس ئەمساڵ بەمەبەستى حەجکردنى دەچنە سعودیە، تا ئێستا 3 هەزار و 262 زیارەتکاریان گەیشتونەتە ئەو وڵاتە و گەشتەکان بەردەوامییان هەیە. . قاسم ڕەسول، بەڕێوەبەری گشتی حەج وعەمرە لە وەزارەتی ئەوقاف و کاروباری ئاینی هەرێمی کوردستان، تایبەت بە ناس کوردی ڕایگەیاند: "بەپێى ئەو خشتەیەیى دیاریکراوە، لەلایەن هێڵی ئاسمانی عێراقییە و زیارەتکەرانی حەج لە هەرێمی کوردستان لەڕێگەی  هەردوو فرۆکەخانەی نێودەوڵەتی هەولێر و سلێمانی دەگوازرێنەوە بۆ وڵاتی سعودییە و گەشتەکان بەردەوامە". . لەبارەى ژمارەى ئەو کەسانەى تا ئێستا گەشتەکەیان ئەنجامداوە، بەڕێوەبەرى حەج وعەمرە وتى: "لە 11ى ئەم مانگەوە تا ئەمرۆ هەینی 19ى تەموز، سێ هەزار و 262 زیارەتکاری حەج لە هاوڵاتییانی هەرێمی کوردستان گوازراونەتەوە بۆ وڵاتی سعودییە". . بەڕێوەبەری گشتی حەج وعەمرەی هەرێمی کوردستان ئاماژەی بەوەشکرد، لەبەر زۆری ژمارەی زیارەتکەرانی حەج، بۆ ئەمساڵ لە هەرێمی کوردستان بەراورد بە ساڵی ڕابردوو، کاروانەکانی گواستنەوەیان بەردەوام دەبێت تا 26ى ئەم مانگە. . سەبارەت بە شوێنى حەوانەوەحاجیانى هەرێم، قاسم ڕەسول وتى، شوێنی حەوانەوەی حاجیانى هەرێم زۆر لە شوێنی هاوڵاتییانی وڵاتانی دیکە باشترە، زیارەتکەرانی هەرێم میوانخانەی چوار ئەستێرەیان بۆ گیراوە لە نزیک حەرەم، بەشیکیشیان دەتوانن بە پیادە بە 15 خولک بگەنە حەرەم، بەشەکەی دیکەش پاسیان بۆ تەرخانکراوە، بە دە خولەک دەگەنە شوێنی مەبەست. . .