گه‌ڕان

Shadow Shadow
سیاسه‌تی

زانیاریی زیاتر

پەرلەمانتارێکی پارتی: لە چەند ڕۆژی داهاتوودا پەرلەمان دووبارە دەرگای خۆپاڵاوتن دەکاتەوە

2022.03.02 - 14:26
App store icon Play store icon Play store icon
پەرلەمانتارێکی پارتی: لە چەند ڕۆژی داهاتوودا پەرلەمان دووبارە دەرگای خۆپاڵاوتن دەکاتەوە

ناس كورد-

پەرلەمانتارێکی پارتی ڕایگەیاند، لە چەند ڕۆژی داهاتوودا پەرلەمانی عێراق دانیشتنێک دەبەستێت بۆ دووبارە کردنەوەی دەرگای خۆپاڵاوتن و "دوای ئەوەش بەزوویی دانیشتنی پەرلەمان بۆ هەڵبژاردنی سەرۆککۆمار بەڕێوەدەچێت."

کەناڵی ناس کورد لە تێلیگرام جۆین بکە   

 

دوێنێ سێشەممە، 1-3-2022، دادگای فیدڕاڵی بڕیاری دا دووبارە کردنەوەی دەرگای خۆپاڵاوتنی بۆ پۆستی سەرۆککۆمار دەبێت بە بڕیاری پەرلەمان بێت نەک سەرۆکایەتی.

 

ماجد شنگالی، پەرلەمانتاری پارتی لە پەرلەمانی عێراق بە ئاژانسی فەرمیی عێراقییەی (2-3-2022) وتووە، "لە چەند ڕۆژی داهاتوودا پەرلەمان بانگهێشتی پەرلەمانتاران دەکات بۆ ئەنجامدانی کۆبوونەوە تاوەکو دەرگای خۆپاڵاوتن بۆ پۆستی سەرۆککۆمار بۆ جاری دووەم بکاتەوە" و جەختیکردەوە کە "ئەو دانیشتنە بەهێزی و پێکەوەیی هاوپەیمانی سێ قۆڵی دەسەلمێنێت." 

 

ڕوونیشیکردەوە کە "ئەگەر دانیشتنەکە ئەنجام بدرێت و بڕیارەکەش بە زۆرینەی دەنگ تێپەڕێنرێت، ئەوە بەهێزی هاوپەیمانی سێ قۆڵی (پارتی و سەدر و سوننە) دەسەلمێنێت."

 

ئەو پەرلەمانتارەی پارتی جەختی کردەوە کە "هێشتا تاکە کاندیدمان ڕێبەر ئەحمەدە"