گه‌ڕان

Shadow Shadow
سیاسه‌تی

’’کەسانی ڕێکخراو بوون’’

چەند وێنەیەکی ساتی هێرشکردنە سەر ئارامی مەلا نوری بڵاوکرایەوە

2022.02.27 - 09:53
App store icon Play store icon Play store icon
چەند وێنەیەکی ساتی هێرشکردنە سەر ئارامی مەلا نوری بڵاوکرایەوە

ناس کورد-

دوای شەوی ڕابردوو لە کەلار هێرشکرایە سەر ئارامی مەلا نوری، چالاکی مەدەنی و برینداریان کرد، کەسوکارەکەی لە ڕوونکردنەوەیەکدا دەڵێن "هێرشکەرەکان کەسانی ڕێکخراو بوون."

کەناڵی ناس کورد لە تێلیگرام جۆین بکە   

 

کەسوکاری ئارامی مەلا نوری لە ڕوونکردنەوەیەکدا (2-2-2022) دەڵێت، "شەوی ڕابردوو کاتژمێر 7:13 خولەک لە کەلار، لە کاتێکدا ئارامی مەلا نوری بە ئۆتۆمبێلەکەی لە بازاڕەوە بۆ ماڵ دەگەڕێتەوە، لە نزیک ماڵی خۆیان، ئۆتۆمبێلێک لە جۆری پیکاپ دەبڵ، دەشکێنێتە سەری و رایدەگرن، پاشان چوار کەس کە دەموچاویان بە تەواوی هەڵپێکراوە، بە راکێشانی دەمانچەو بە لێدان رایدەکێشن و، هەڵدەکوتنە سەری و چەندین چەقۆی لێدەدەن و جێیدەهێڵن و بە هۆی زۆری و قوڵی برینەکانیەوە، بە 55 تەقەڵ دوراونەتەوە."

 

دەشڵێت، "ئەم تاوانە هەرە نامەردانەو دڕندانەیە، لە کاتێکدایە ئارام هیچ کێشەیەکی تایبەتی لە گەڵ هیچ کەس و گروپ و لایەنێک نەبوەو نییە و، تەنها ئەوەیە بەردەوام وەک چالاکێکی مەدەنی، بە شێوەی جۆراو جۆر رەخنەی لە گەندەڵی و خراپی حکومڕانی گرتووەو لە چالاکییە جەماوەریەکاندا بەشداری کردووە.
هەر لەو چوارچێوەیەشدا، چەندین جار لە سەرچاوەی نادیارەوە هەڕەشەی لێکراوە."


باسی لەوەشکردووە کە "ڤیدیۆیی کاتی ئەنجامدانی تاوانەکە هەیەو، وەک ئەوەی لە تۆمارەکەدا دەرئەکەوێ، وا دیارە ئەنجامدەرانی تاوانەکە، کەسانی ئاسایی نین، بەڵکو گروپێکی رێکخراو و شارەزان لە پرۆسەی تاوانکاریدا."


"لە ئێستاشدا، چاودێرو چاوەڕێی لێکۆڵێنەوەی دەزگا ئەمنیەکانین و، داواکارین هەرچی زووە ئەنجامدەرانی تاوانەکەو ئەو دەستە رەشەی، کە لە پشتێوەیە، بۆ رای گشتی ئاشکرا بکرێ."

 

me_ga.php?id=5026me_ga.php?id=5023me_ga.php?id=5024me_ga.php?id=5025me_ga.php?id=5027me_ga.php?id=5022