گه‌ڕان

Shadow Shadow
سیاسه‌تی

زانیاریی زیاتر

حکومەتی هەرێم بڕیارێکی دیکەی لەبارەی قەرزی هاووڵاتیان دەرکرد

2022.02.25 - 15:22
App store icon Play store icon Play store icon
حکومەتی هەرێم بڕیارێکی دیکەی لەبارەی قەرزی هاووڵاتیان دەرکرد

ناس کورد-

حکومەتی هەرێمی کوردستان بڕیارێکی دیکەی لەبارەی قەرزی سەر هاووڵاتیان دەرکرد و بە دوو شێواز هاوکارییان دەکات بۆ دانەوەی قەرزەکانیان ئەویش یان بەشێوەی قیست یاخود بە یەکجار و 15% داشکاندن. 

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا فەرمانگەی میدیا و زانیاریی حکومەتی هەرێمی کوردستان (هەینی 25-2-2022) ڕایگەیاند، "بەمەبەستی ئاسانکاری لە دانەوەی قەرزەكانیان، خاوەن مۆڵەتەکانی هۆتێل، مۆتێل، ڕێستۆرانت، کافێ، سەرجەم بنکە و شوێنە گەشتیارییەکان، دەتوانن قەرزە کەڵەکەبووەکانیان، بەشێوەی قیست و داشکاندن لە هەر سێ سێكتەری شارەوانی، ئاو و گەشتوگوزار بەشێوەی قیست یاخود لەماوەی 19 ڕۆژدا بیگەڕێننەوە." 

 

ئاماژەی بەوەشکردووە، "ئەو هاووڵاتییانەی بە یەكجار قەرزەكانیان بدەنەوە، لە داشکاندن بەڕێژەی 15% سوودمەند دەبن." 

 

ئەوەشی خستووەتەڕوو، "دوای دەستنیشانکردنی ھەر قیستێک، هاووڵاتییان پابەند دەبن مانگانە بە دانەوەی قیستەكانیان و دەتوانن بە ماوەی 12 مانگ بیگەڕێننەوە." 

 

زیاتر بخوێنەرەوە: گۆڕانکارییەکانی نرخی دۆلار بەرامبەر دینار

 

 

ڕوونیشیکردووتەوە، "ئەو هاووڵاتییانەی دەیانەوێت قەرزە كەڵەکەبووەکانیان بە یەكجار و بەبێ قیست بدەنەوە، سوودمەند دەبن لە داشكاندن بەڕێژەی 15%، بەڵام ئەو هاووڵاتییانەی كە بەشێوەی قیست قەرزەكانیان دەدەنەوە، داشكاندنی ڕێژەی 15% نایانگرێتەوە."