گه‌ڕان

Shadow Shadow
سیاسه‌تی

گۆڕانى کەشوهەوا

هەورەبروسکە و چەخماخەی بەهاری..پێشبینى نوێ لەبارەى شەپۆلى باران و بەفر

2022.02.23 - 22:34
App store icon Play store icon Play store icon
هەورەبروسکە و چەخماخەی بەهاری..پێشبینى نوێ لەبارەى شەپۆلى باران و بەفر

 

ناس کورد-

 

سەرچاوە کەشناسییەکان پێشبینى گۆڕانى کەشوهەواى ناوچەکانى عێراق و هەرێمى کوردستان دەکەن، بەجۆرێک لەسبەینێ وە شەپۆلێکى باران و هەورە بروسەکە دەستپێبکات کە دوو رۆژ بخایەنێت.

کەناڵی ناس کورد لە تێلیگرام جۆین بکە   

 

بەپێی بڵاوکراوەیەکى کەشوهەواى کوردستان، پێشبینی دەکرێت لەدرەنگانی سبەی شەوەوە شەپۆلێکی باران بارین و هەورە بروسکە زۆربەی ناوچەکان بگرێتەوە، لەهەندێ ناوچە مامناوەند و لەهەندێ ناوچەش کاریگەیی نیمچە بەهێز دەبێت، بەهۆی هاتنی شێی گەرم لەدەریای سور و تێکەڵ بوونی لەگەڵ بەرە هەوای نیمچە ساردی دەریای ناوەڕاست، ئەگەری هەورەبروسکە و چەخماخەی بەهاری لەزۆربەی ناوچەکان هەیە.

 

ئاماژە بەوەشکراوە، کاریگەری شەپۆلەکە لەنیوەڕۆی هەینی کەمێک دەوەستێ بەڵام لەئێوارەی هەینی دووبارە کاریگەری بەشی دووەمی شەپۆل دەست پێ دەکات و تا ڕۆژی یەکشەممە بەشێوەی پچڕ پچڕ ئەگەری باران بارینی زۆر باش و مامناوەند لەزۆربەی ناوچەکان دەبێت، کەمترین بڕی پێشبینی کراوی باران  5 بۆ 15  ملم و زۆرترین بڕیش 25 بۆ 50 ملم دەبێت.

 

بەپێی پێشبینییەکە، پلەکانی گەرما چەند پلەیەک نزم دەبنەوە و ئەگەری بەفر بارین  لەناوچە شاخاوییە بەرزەکان هەیە لەڕۆژی شەمەمدا و ڕۆژی یەکشەممە کۆتایی بەشەپۆلەکە دێت و کەش و هەوا سەقامگیر دەبێتەوە.

May be an image of map and text that says "T0 011 1010 009 1019 101 1013 1018 1017 1017 009 1008 1016 1015- 1014 010 1016 1008 1009 1010 1019 13 1009 101 1015 1011 1011 1908 10131 1013 1010 1014 1012 009 Surface pressure [hPa] GFS ENS 1009/ We 23-02-2022 12:00 UTC (06+06) � weatheronline.co.uk"

لاى خۆیەوە، سادق عەتیە کەشناسی دیارى عێراقى رایگەیاند، نەخشە کەشناسییەکان ئاماژە بە هاتنى کەشێکى باراناوى دەکەن کە لەسبەینێ وە دەستپێدەکات و تا سەرلەبەیانى شەممە دەخایەنێت، ئەوەش بەهۆى کاریگەرى نزمە پاڵەپەستۆى باشورى ئەوروپاوە.

 

دەشڵێت ئەگەرى باران بارین هەیە لە بەغدا و زیقار و بەسرە و سەماوە و میسان و واست و سەڵاحەدین و نەینەوا و دیالە و کەرکوک و دهۆک و سلێمانى و هەولێر.