گه‌ڕان

Shadow Shadow
سیاسه‌تی

زانیاریی زیاتر

نوێترین زانیاری لەبارەی تەندروستیی ئەو ژنەی لەلایەن هاوسەرەکەیەوە سووتێنرا

2022.02.21 - 11:16
App store icon Play store icon Play store icon
نوێترین زانیاری لەبارەی تەندروستیی ئەو ژنەی لەلایەن هاوسەرەکەیەوە سووتێنرا

ناس کورد- 

تەندروستیی شنیار هونەر، ئەو ژنەی لەلایەن هاوسەرەکەیەوە لە سلێمانی سووتێنرا، تەندروستیی ناجێگیرە و 85%ی جەستەی سووتاوە.

کەناڵی ناس کورد لە تێلیگرام جۆین بکە   

 

ئەمڕۆ دووشەممە 21-2-2022، بەشی جێندەری نوسینگەی قوباد تاڵەبانی و بەرەنگاربوونەوەی توندوتیژی دژ بە ئافرەتان، سەردانی شنیار هونەریان کرد، ئەو ژنەی لە سلێمانی لەلایەن هاوسەرەکەیەوە سووتێنرا. 

 

ئاشتی عەبدوڵا، بەرپرسی بەشی جێندەری نوسینگەی جێگری سەرۆک وەزیرانی هەرێم لە کۆنفرانسێکی ڕۆژنامەوانیدا ڕایگەیاند، "بەداخەوە تەندروستیی شنیار جێگیر نییە و 85%ی جەستەی سووتاوە." 

 

هاوکات بەڕێوەبەری  بەرەنگاربوونەوەی توندوتیژی دژ بە ئافرەتان لە سلێمانی ڕایگەیاند، "وەک هەموو حاڵەتێکی دیکە ئەم دوو هاوسەرەش کێشەیان هەبووە و شنیار جارێک پەیوەندیی کردووە بە بەرەنگاربوونەوەی توندوتیژی دژی ژنان، بەڵام دواتر نەهاتووە بۆ سکاڵا تۆمارکردن." 

 

وتیشی، "ئێمە داوامان وایە کە ژنان تەنها هانا بۆ بەڕێوەبەرایەتییەکەمان ببەن و پەنا بۆ هیچ شتێکی دیکە نەبەن، چونکە ئێمە چەندین کەیسمان چارەسەر کردووە و ئاشتەواییمان کردووە لەنێوان خێزانەکاندا، یاخود لە دادگا کەیسەکەمان یەکلاکردووەتەوە."