گه‌ڕان

Shadow Shadow
سیاسه‌تی

زانیاریی زیاتر

پارێزگاری بانکی ناوەندی وادەیەک بۆ ئەگەری گۆڕانکاریی لە نرخی دۆلار دیاری دەکات

2022.02.21 - 08:53
App store icon Play store icon Play store icon
پارێزگاری بانکی ناوەندی وادەیەک بۆ ئەگەری گۆڕانکاریی لە نرخی دۆلار دیاری دەکات

ناس کورد- 

ئەندامێکی پەرلەمانی عێراق ئاشکرای دەکات، پارێزگاری بانکی ناوەندی لە دانیشتنی پەرلەمان ڕایگەیاندووە، تاوەکو سێ ساڵی دیکە ناتوانن دەستکاری نرخی دۆلار بکەن، دەشڵێت، ئەو ناجێگیرییەی لە نرخی دۆلار هەیە لە چەند رۆژی داهاتوو ئاسایی دەبێتەوە و دەچێتەوە نرخەکەی خۆی.

کەناڵی ناس کورد لە تێلیگرام جۆین بکە   

 

د. جەمال کۆچەر، ئەندامی فراکسیۆنی یەکگرتووی ئیسلامی کوردستان لە پەرلەمانی عێراق، کە پێشتر ئەندامی لیژنەی دارایی و ئابوری پەرلەمانی عێراق بوو (یەکشەممە 21-2-2022) بە دەنگی ئەمەریکای ڕاگەیاند، "بانگەشەی دابەزاندنی نرخی دۆلار بانگەشەیەکی سیاسییە،  چونکە سەدر بەڵێنی بە خەڵک دابوو لە کاتی هەڵبژادن کە ئەگەر بوونە حکومەت و بوونە زۆرینە ئەوە گۆڕانکاری دەکەن ئەوە بەشێک بوو لەوە، دووەم تویتەکەی باسی گۆڕانکاری نرخ ناکات بەڵکو باسی هەندێک هەنگاو دەکات، ئەو هەنگاوانەش ئەگەر بە دیقەت دیراسەی بکەین سێ شتی لێ دەخوێنینەوە، یەکەم وەکو باسمکرد بانگەشەیەکی سیاسیە، دووەم شەڕێکە لەگەڵ هەندێک بلۆکی هەندێک لایەنی سیاسی کە سەدر وەها هەستدەکات دەبێت لە هاوکێشەکان دەریان بکات بۆ ئەوەی داهاتی ئەو لایەنە سیاسیانە کەم ببێت، خاڵی سێیەم باسی هەندێک گەندەڵی دەکات لە مەزادی دراو و بە فێرۆدانی پارە ئەوە دەرگایەکە بۆ ئەوەی سەدر هەرشتێک ببێتە ئاریشە لە داهاتوو هەوڵدەدات ئێستا یەکلایی بکاتەوە، خاڵی سێیەم ئەوەیە کە موقتەدا سەدر ئێستا بە نیازە هەندێک گۆڕانکاری لە هەندێک پۆست بەدەست بهێنێت بۆ قۆناغی داهاتوو چ بۆ ئۆپۆزیسیۆن چ بۆ حکومەت بانگەشەی وەزیری دارایی و پارێزگاری بانکی مەرکەزی بۆ ئەوە بووە باسی هەندێک گەندەڵکاری و ئیستجواب و لادان و جێگەیان پڕبێت بە هەندێک لە نزیکەکانی خۆی."

 

ئاماژەی بەوەشکرد، خاوەنی بڕیاری بەرزکردنەوە و نزمکردنەوەی دۆلار کە پارێزگاری بانکی ناوەندییە لە پەرلەمان بە ڕاشکاوی وتی" ئێمە ناتوانین هەتا سێ ساڵی داهاتوو هیچ دەستکاری نرخی دۆلار بکەین." 

 

باسی لەوەشکرد، " واتە ئەم نرخەی ئێستاش کە هەیە و کەمێک دابەزیوە هەر دەچێتەوە نرخی خۆی کە یەکەم جاریش گۆڕا کەس نەدەچوو بکڕێت بەو نرخە بە 1450 بێگومان وەزارەتی دارایی دۆلاری خۆی بە بانکی ناوەندی دەفرۆشێت بە 1450 بانکی ناوەندیش لە مەزادی دراویدا لە 42 بانک لە ئاستی عێراق دەفرۆشێت بە زیادی 10 نمرە واتە واتە 1460 ئەوانیش دەیفرۆشن بۆ دوکانەکانی ناوخۆی گۆڕینەوەی دراو بە نزیکی 4-5 ژمارە زیاتر کە دەبێتە 1465، ئەگەر بمانەوێت بیکڕین ئەوانیش 5-10 نمرە زیاد دەکەن واتە 1475 هەتا 1485 لەو نرخی جێگیر دەبێت لەوانەیە دوای دوو بۆ سێ ڕۆژی تر.”

 

سەبارەت بەوەی پێتان وایە لەسەر قسەی پارێزگاری بانکی ناوەندی عێراقی لەگەڵ هەمان بۆچووندایت کە دەڵێت هەتا سێ ساڵی تر دۆلار نایەتەوە سەر نرخی پێشووی 120 هەزار دینار یان 135 هەزار وەکو دەوترێت لە بودجەی ساڵی داهاتوو دەچەسپێنرێت؟

 

ئەو پەرلەمانتارە ئاماژەی بەوەشکردووە، " ئەگەر منیش لە جیاتی پارێزگاری بانکی ناوەندی یان ببمە وەزیری دارایی بە ڕای من نرخی دۆلار ناگۆڕدرێت، چونکە ئێستا زۆر لەو دەوڵەتانە حەزیان لێیە گرنگی بە بەرهەمی ناوخۆ بدەن یان پاڵپشتی کەرتی پیشەسازی خۆی بکات پشتگیری سامان و ئەوانە بکەن بۆ نموونە ئەوە تورکیایە و ئەوە چینە واتە زۆر دەوڵەت هەن بە پلان دراوی خۆی بەهاکەی دادەبەزێنێت هەتا خەڵک بچن وەبەرهێنانی لێبکەن یان بچن شت لەو وڵاتە بکڕن ئیتر عێراقیش دەوڵەتێکە ئەگەر ئەم حکومەتەی داهاتوو ڕاست بێت حکومەتی زۆرینەی سیاسیە مانای وایە دەبێتە جێگایەکی سەرنجڕاکێش و زۆر وەبەرهێنانی لێدەکرێت ئەوکاتە پێویستمانە خەڵک بە بێ دوودڵی بێتە عێراق و ئیتر ئەوکاتە دەبێت دیناری ئێمە بەهاکەی هەرزان بێت با خەڵک بێتە ئێرە و ئیش بکات."

 

جەختیشیکردووەتەوە، " بە ڕای من بودجەی 2022 ئەم وەزیرە دایناوە و پارێزگاری بانکی ناوەندی ئامادە بووە لەوێ و نرخی دۆلاری هەر بە 1450 داناوە، وە هەر سەرۆک وەزیرێکی داهاتوو بێت گۆڕانکاری تێدا بکات باری ئابوری حکومەتی خۆی گران دەکات لانی کەم 30-40 تریلیۆن دینار، بۆیە من باوەڕ ناکەم هیچ سەرۆک وەزیرانێک ئەو هەنگاوە بنێت. "