گه‌ڕان

Shadow Shadow
سیاسه‌تی

لێدوانی نوێ لە وەزارەتی داراییەوە لەبارەى گۆڕینی نرخی دۆلار

2022.02.18 - 15:45
App store icon Play store icon Play store icon
لێدوانی نوێ لە وەزارەتی داراییەوە لەبارەى گۆڕینی نرخی دۆلار

ناس كورد-

سەرچاوەیەک لە وەزارەتی دارایی عێراقەوە دابەزاندنی نرخی دۆلاری بەرامبەر دینار بە دوور زانی و ڕایگەیاند، کاریگەریی نەرێنی دەبێت بۆسەر ئابوریی وڵات. 

کەناڵی ناس کورد لە تێلیگرام جۆین بکە   

 

سەرچاوەکە بە مەرجی بڵاونەکردنەوەی ناوەکەی بە میدیا عێراقییەکانی (18-2-2022) وتووە، "نرخی دۆلار بەرامبەر دینار جێگیرە و بە ئاسانی گۆڕانکاری تیدا ناکرێت."

 

وتیشی، "سندوقی دراو و بانکی نێودەوڵەتی بە مەرجی دابەزاندنی نرخی دینار بەرامبەر دۆلار پشتگیری و پاڵپشتی عێراقیان کردوە، بۆیە هەر گۆڕانکارییەک لە نرخەکەیدا کاریگەری نەرێنی دەبێت لەسەر دۆخی دارایی و ئابوریی عێراق."

 

ئەمڕۆ هەینی، 18-2-2022، لە چەند میدیا و هەژمارێکی تۆڕە کۆمەڵایەتییەکان وابڵاوکرایەوە کە دوای تویتەکەی موقتەدا سەدر، ڕێبەری ڕەوتی سەدر لەبارەى نرخی دراو و دۆخی بازاڕ، نرخی دۆلار بەرامبەر دینار نزمبووەتەوە.  

 

وتەبێژی بازاڕی دۆلارەکە لە سلێمانی ڕایگەیاند، هەڵبەز و دابەزینی نرخی دراو لە ڕۆژانی هەینی "ورد" نییە و سبەینێ نرخی تەواوەتی و جێگیری دۆلار بەرامبەر دینار دیاری دەکرێت.

 

جەبار گۆران، وتەبێژی بازاڕی دۆلارەکە لە سلێمانی تایبەت بە "ناس کورد"ی ڕاگەیاند، ئەمڕۆ هەندێک گۆڕانکاری لە نرخی دۆلار بەرامبەر دینار ڕوویداوە و 100 دۆلار دابەزیوە بۆ 147 هەزار و 500 دینار، "بەڵام ئەمە نرخێکی ورد و تەواو نییە چونکە بانک و بازاڕەکانی دراو لە ڕۆژانی هەینیدا داخراوە و نرخەکان فەرمی نین."  

  

وتیشی، هۆکاری ناجێگیری نرخەکە ئەو چەند پێشنیازەی سەدر و بانگهێشتکردنی وەزیری دارایی و پارێزگاری بانکی ناوەندی بوو کە دوێنێ خستییەڕوو.  

  

دوێنێ پێنجشەممە، 18-2-2022، موقتەدا سەدر، ڕێبەری ڕەوتی سەدر چەند پێشنیازێک لەبارەی نرخی دۆلار بەرامبەر بە دینار دەخاتەڕوو و داوای بەپەلە بانگهێشتکردنی وەزیری دارایی و پارێزگاری بانکی ناوەندی بۆ پەرلەمان دەکات.  


  

1- به‌توندی رێگری بكرێت له‌ دراوی ساخته‌ و بەهەدەردانی دراوەکان رابگیرێت.     

  

2- چاوخشاندنەوە بە کاری هه‌ندێك لە بانکەکان كه‌ كۆنتڕۆڵی به‌های دراوه‌كان ده‌كه‌ن.     

  

3- ده‌ستبه‌جێ پارێزگاری بانكی ناوه‌ندی بۆ په‌رله‌مان بانگهێشت بكرێت    

  

4- ده‌ستبه‌جێ وه‌زیری دارایی بانگهێشتی به‌رده‌م په‌رله‌مان بكرێت    

  

5- ڕێكخستنی بازاڕی دراوی عێراقی به‌ شێوه‌یه‌كی ناوه‌ندی و ڕێكوپێك و به‌پێی چەند یاسایەک كه‌ به‌های دیناری عێراقی زیاد بكات.    

  

6- مامه‌ڵه‌كردنی توند له‌گه‌ڵ چه‌ند بانكێكی سه‌ر به‌ هه‌ندێك له‌و حزبانه‌ی كه‌ كۆنتڕۆڵی وڵات و خه‌ڵكیان كردووه‌.    

  

me_ga.php?id=33193