جارێکی تر نەرویج دەرگای کۆگای ’’ڕۆژی دوایی’’ دەکاتەوە

ناس کورد-

جارێکی تر کۆگای "ڕۆژی دوایی" کە گەورەترین کۆگای هەڵگرتن و زەخیرەکردنی تۆوی ڕووەکییە دەرگاکانی دەکاتەوە بۆ هەڵگرتنی چەند جۆرێکی تر لە تۆوی نوێی سودانی، لوبنانی، ئۆغەندی و نیوزلەندی.

کەناڵی ناس کورد لە تێلیگرام جۆین بکە   

 

کۆگاکە بە "کۆگای ڕۆژی دوایی" یاخود "کۆگای کەشتی نوح" ناوی دەرکردووە و ئامانجی پاراستنی جۆرەکانی تۆوی ڕووەکییە لە فەوتان و لەناوچوون لە جیهاندا لە شەڕ و پەتا و کارەساتە سروشتییەکان.

 

کۆگاکە دەکەوێتە دورگەی "سیتسبیرگن" کە دەکەوێتە نێوان نەرویج و جەمسەری باکور، لە ساڵێکدا چەند جارێکی زۆر کەم دەرگاکەی دەکرێتەوە.

ئاژانسی ڕۆیتەرز لە زاری بریس تفینیریم، وەزیری گەشەپێدانی نەرویجی ڕایگەیاند، "کۆگاکە گەرەنتی هەڵگرتن و پاراستنی چەندین جۆر تۆو دەکات".

 

کۆگاکە کە لەژێر بەفرێکی زۆردایە نزیکەى یەک ملیۆن و 100 هەزار نمونەی تۆوی هەڵگرتووە کە لە 89 کۆگای جیهانییەوە هێنراون.