گه‌ڕان

Shadow Shadow
سیاسه‌تی

بەپەلە

وەزارەتی کارەبا: ڕێگری لە تیمی پێوەری زیرەک لە پێنجوێن بۆ مەرامی تایبەتی بووە

2022.02.13 - 14:41
App store icon Play store icon Play store icon
وەزارەتی کارەبا: ڕێگری لە تیمی پێوەری زیرەک لە پێنجوێن بۆ مەرامی تایبەتی بووە

ناس کورد-

وەزارەتی کارەبای حکومەتی هەرێم ڕایگەیاند، ڕێگریکردن لە تیمەکانی کارەبا بۆ بەستنی پێوەری زیرەک لە پێنجوێن "هاندانە و بۆ مەرامێکی تایبەتی بووە و هیچ پەیوەندییەکی بە پرۆژەی پێوەری زیرەکەوە نییە."

کەناڵی ناس کورد لە تێلیگرام جۆین بکە   

 

 

وەزارەتەکە لە ڕوونکردنەوەیەکدا (13-2-2022) ڕایگەیاند، "ئەمڕۆ لە پێنجوێن لە لایەن هەندێ کەسی نابەرپرسەوە بە پاساوی کەمبوونەوەی کارەبا ڕێگری لە تیمەکانی کارەبا بۆ بەستنی پێوەری زیرەک کراوە، هەمووان دەزانن کە لە پێنجوێن بەهۆی بەفر و سەرمای سەختی ناوچەکە، کاتەکانی پێدانی کارەبا لە هەموو ناوچەکانی دیکەی هەرێم زیاتر بووە."


دەشڵێت، "رێگریکردن لە تیمەکانی کارەبا بۆ بەستنی پێوەری زیرەک، هاندان و بۆ مەرامێکی تایبەتی بووە و هیچ پەیوەندییەکی بە پرۆژەی پێوەری زیرەکەوە نییە."

 

لە قەزای پێنجوێن دژى دانانى پێوەرى زیرەکى کارەبا هاوڵاتیان دەستیان بە خۆپیشاندان كرد و ڕێگەى ملەکەوەیان داخست.  

ئەمڕۆ یەکشەممە (13-2-2022) هاوڵاتییانی پێنجوێن دژی كەمیی كارەبای نیشتمانی خۆپیشاندانیان کرد و ڕێگرییان لە تیمی ئەو ‏كۆمپانیایە كرد كە پێوەری زیرەكی كارەبا دەبەستێت و بەشێك لە كەلوپەلەكانی تیمەكەیان ‏شكاند.‏