پەروەردەی عێراق لەبارەی بڕیاری سەپاندنی حیجاب لە قوتابخانەكان لێدوانی دا

ناس كورد-

وەزارەتی پەروەردەی عێراق ڕەتیكردەوە هیچ بڕیارێكی دابێت بۆ سەپاندنی حیجاب بۆ خوێندكارانی كچ لە قوتابخانەكاندا و جەخت دەكاتەوەكە ئەوە كاری ئەو وەزارەتە نییە.

کەناڵی ناس کورد لە تێلیگرام جۆین بکە   

‎حەیدەر فاروق، وتەبێژی وەزارەتەكە لە ڕوونكردنەوەیەكدا (9-2-2022) وتی، ”وەزارەت هیچ بڕیار و. ڕێكارێكی نەناردووە بۆ قوتابخانەكان لەبارەی سەپاندنی حیجاب ۆ كچە خوێندكاران.”

 

جەختیكردەوە كە ”ئەو بابەتە دەكەوێتە چوارچێوەی ئازادی تاكەكەسی و خێزانەكانیان، ئیدارەی قوتابخانەكان تەنها دەتوانن ڕەنگ و شێوازی یەكپۆشی دیاری بكەن بە مەرجێك لەگەڵ حەزی خوێندكار بگونجێت.”

 

حەیدەر فاروق وتیشی، ”سەپاندنی حیجاب كاری وەزارەتی پەروەردە نییە و مافیشی نییە خوێندكارانی ناچار بكات بە پۆشینی حیجاب یاخود لابردنی.”