گه‌ڕان

Shadow Shadow
سیاسه‌تی

فراکسیۆنى پارتى: باسکردن لە فرەبازنەیی بۆ کەمکردنى کورسییەکانى ئێمەیە

2022.02.08 - 20:15
App store icon Play store icon Play store icon
فراکسیۆنى پارتى: باسکردن لە فرەبازنەیی بۆ کەمکردنى کورسییەکانى ئێمەیە

ناس کورد-

 

سەرۆکى فراکسیۆنى پارتى لەپەرلەمانى کوردستان رایگەیاند، داواى فرەبازنەیی لەلایەن بەشێک لە فراکسیۆنەکانەوە بۆ هەڵبژاردنى داهاتوو بۆ کەمکردنەوەى کورسییەکانى حزبەکەیانە، بەڵام ئەوە بیرکردنەوەیەکى هەڵەیە.

کەناڵی ناس کورد لە تێلیگرام جۆین بکە   

 

زانا مەلا خالید لە چاوپێکەوتنێکدا لەگەڵ تەلەفزیۆنى زمانحاڵى حزبەکەى وتى "هەندێ لایەن داواى هەشت یان ١٢ بازنە دەکەن بۆ کەمکردنەوەى کورسییەکانى پارتى، بەڵام ئێمە لەگەڵ ئەوەداین یاساکە وەک خۆى بمێنێتەوە و دەستکارى نەکرێت کە یەک بازنەیی چەسپێنراوە".

 

دەشڵێت بیرکردنەوەی ئەو لایەنانە هەڵەیە کە پێیانوایە بەفرەبازنەیی کورسییەکانى پارتى کەمدەکات، چونکە لەهەڵبژاردنى عێراق ئەوە سەلمێنرا کە پارتى لەفرە بازنەیش براوە بووە.

 

 زانا مەلا خالید باسى لەوەشکرد، فرە بازنەیی لەزیانى پارتى نییە وەک هەندێک لایەن باسى دەکەن بەڵکو بۆ ئەو حزبانە زیانى هەیە کە دەنگیان کەمە.