گه‌ڕان

Shadow Shadow
سیاسه‌تی

زانیاریی زیاتر

بڕی ئەمپێری کارەبای نیشتیمانیی جارێکیتر گۆڕانکاریی بەسەردا دێت

2022.02.08 - 13:56
App store icon Play store icon Play store icon
بڕی ئەمپێری کارەبای نیشتیمانیی جارێکیتر گۆڕانکاریی بەسەردا دێت

ناس کورد- 

وەزارەتی کارەبای هەرێم بڕیاری دا، سەرەتای مانگی داهاتوو ئەمپێرەکانی کارەبا بە پێوەری زیرەک بکاتەوە بۆ 40 ئەمپێر، دەشڵێت، پێویستە تەواوی هاوبەشانی کارەبا، پێوەری زیرەکیان هەبێت.

کەناڵی ناس کورد لە تێلیگرام جۆین بکە   

 

بەگوێرەی ڕاگەیەنراوێکی وەزارەتی کارەبا (سێشەممە 8-2-2022) کۆبوونەوەی ئەنجومەنی وەزارەتی کارەبا بە سەرپەرشتیی وەزیری کارەبا بۆ تاووتوێکردن و خستنەڕووی کێشە و ئاستەنگەکانی بەردەم کەرتی کارەبا و پرۆژە و پلانەکانی وەزارەت بەڕێوەچوو و تیایدا چەند بڕیارێک درا.

 

دەقی بڕیارەکان:



- گۆڕانکاریی لە هەندێ پۆست و بەرپرسیارێتی کران.

 

- بەڕێوەبەرایەتیی دابەشکردنی کارەبای ئیدارە سەربەخۆکانی نوێی سۆران و ڕاپەڕین و زاخۆ بە وەزارەتی کارەباوە دەبەسترێنەوە.

 

- لە سەرەتای مانگی ئادارەوە، (40) ئەمپێر کارەبا بە هاوبەشانی کارەبا دەدرێتەوە.

 

- کار بە سیستەمی ئەلکترۆنی و  ماڵپەڕی پسولە (pswla.com) دەکرێت و لە سەرجەم بەڕێوەبەرایەتییە گشتییەکان جێبەجێ دەکرێت.

 

- پێویستە تەواوی هاوبەشانی کارەبا، پێوەری زیرەکیان هەبێت، لە سەرەتای دەستپێکردنی پرۆژەی پێوەری زیرەک (1,480,000) هاوبەشی کارەبا لە هەرێمی کوردستان هەبوو، بەڵام ئێستا بۆ (1,800,000) هاوبەش بەرزبووەتەوە.

 

- بەڕێوەبەرایەتییە گشتییەکانی کارەبای شارەکان و ئیدارە سەربەخۆکان بەرپرسن بۆ بەدواداچوون و نەهێشتنی سەرپێچی لەسەر تۆڕەکانی کارەبا و گرتنەبەری رێوشوێنی یاسایی بەرانبەر سەرپێچیکاران، بۆ ئەم مەبەستە سیستەمی پێوەری زیرەک، سەرجەم سەرپێچیەکانی دیاری کردووە.