گه‌ڕان

Shadow Shadow
سیاسه‌تی

بزانە مەرجەکە چییە؟

ڕاپۆرتێک: پارتی بە مەرجێک هۆشیار زێباری دەکشێنێتەوە

2022.02.08 - 13:03
App store icon Play store icon Play store icon
ڕاپۆرتێک: پارتی بە مەرجێک هۆشیار زێباری دەکشێنێتەوە

ناس کورد- 

بەگوێرەی ڕاپۆرتی پێگەیەکی بەڕیتانی، لە پشت ڕکابەرییەکانی پارتی دیموکراتی کوردستان و یەکێتیی نیشتیمانیی کوردستان بۆ پۆستی سەرۆک کۆمار ئامانجێکی دیکە هەیە، ئەویش پارێزگاری کەرکوکی دەوڵەمەند بە نەوتە، لەزاری سەرچاوەیەکیشەوە بڵاویکردووەتەوە، ئەگەر یەکێتی مەرجێکی پارتی جێبەجێ بکات ئەوا پۆستەکەی بۆ جێدێڵێت.

کەناڵی ناس کورد لە تێلیگرام جۆین بکە   

 

لە ڕاپۆرتێکدا ماڵپەڕی "Middle eat Eye"ی بەڕیتانی کە "ناس کورد" بینیویەتی (سێشەممە 8-2-2022) بڵاویکردووەتەوە، "ئەمڕۆ سێشەممە هەڵبژاردنی سەرۆک کۆماری عێراق بەهۆی ڕکابەری و ناکۆکییەکانی پارتی و یەکێتی، دوو حزبی دەسەڵاتداری هەرێم شکستی هێنا." 

 

ئاماژەی بەوەشکردووە، "ئەو دوو حزبە  ڕکاربەرییەکی دیکەیان هەیە کە بە نهێنی دەیهێڵنەوە، ئەویش کۆنترۆڵکردنی بلۆکی نەوتیی باکوری کەرکوکە، کە ڕکاربەری توندی لەسەر دەکەن." 

 

هاوکات ماڵپەڕەکە لەزاری سەرچاوەیەکی باڵای نێو پارتییەوە بڵاویکردووەتەوە، "ئێمە گرنگی بە بەدەستهێنانی پۆستی سەرۆک کۆمار نادەین، بەڵکو ڕکابەریمان بۆ پۆستەکە تەکتیکێکە بۆ فشارخستنەسەر یەکێتی بە جێبەجێکردنی هەندێک داواکاریمان و ئەگەر یەکێتی جێبەجێی بکات پۆستەکەیان بۆ جێدێڵین." 

 

ئەو بەرپرسەی پارتی کە نەیویستووە ناوی ئاشکرا بکرێت، ڕاشیگەیاندووە، "پۆستی پارێزگاری کەرکوک بۆ ئێمە گرنگترە لە سەرۆک کۆمار."