گه‌ڕان

Shadow Shadow
سیاسه‌تی

زانیاریی زیاتر

’’ئەگەری هەڵوەشاندنەوەی پەرلەمانی عێراق و ئەنجامدانەوەی هەڵبژاردن هەیە’’

2022.02.07 - 09:43
App store icon Play store icon Play store icon
’’ئەگەری هەڵوەشاندنەوەی پەرلەمانی عێراق و ئەنجامدانەوەی هەڵبژاردن هەیە’’

ناس کورد- 

پسپۆڕێکی یاسای دەستوری دەڵێت، ئەگەر پەرلەمانی عێراق و لایەنەکان نەتوانن چارەسەری پرسی هەڵبژاردنی سەرۆک کۆمار بکەن، مانای وایە حکومەتی نوێش پێکناهێنرێت و پرۆسەی سیاسی پەکی دەکەوێت، دەشڵێت، لەو حاڵەتەشدا ئەگەری هەیە ئەم خولەی پەرلەمانی عێراق هەڵبوەشێنرێتەوە.

کەناڵی ناس کورد لە تێلیگرام جۆین بکە   

 

د. خامۆش عومەر، پسپۆڕی یاسای دەستوری (دووشەممە 7-2-2022)  بە "دەنگی ئەمریکا"ی راگەیاند، " بڕیارەکەی دادگای فیدڕاڵی بۆ راگرتنی کاندیدبوونی هۆشیار زێباری، کاندیدی پارتی دیموکراتی کوردستان بە سیفەتی ئیستعجال پەیوەندی بەوەوە هەیە دەبێت ئەو کەیسەی لە بەردەم دادگادایە یەکلایی بکرێتەوە دواتر بابەتی پەیوەندیدار بە کەیسەکە بێتەوە بەردەم دادگا، واتە ئەوەی ئێستا پەیوەندی بە کاندیدی پۆستی سەرۆک کۆمار هەیە یەکێکە لەو بابەتانەی مشتومڕی لەسەرە مەسەلەی ئەوەیە کە یەکێک لە مەرجەکانی تایبەت بە کاندیدبونی تێدا نییە، بۆیە دەبێت ئەم پرسە یەکلایی بکرێتەوە ئینجا بچنەوە ناو پرۆسەی هەڵبژاردنی سەرۆکی کۆمار، ئەمە بە شێوەیەکی کاتییە بە شێوەیەک نییە بە تەواوەتی دورخرابێتەوە." 

 

ئاماژەی بەوەشکردووە، " لەبارەی بوونی بۆشایی یاساییش لە یەکەم دانیشتنی پەرلەمان لە 9-1 ئەنجامدرا بوو، بۆیە 9-2 دەبێتە مانگێک، 7ی مانگ دیاریکراوە بۆ ئەوەی پرۆسەکە بەشێوەیەکی ڕێکوپێک بەڕێوەبچێت و پێش 9ی مانگ نەچینە ناو مشتومڕێکی دەستورییەوە یاخود جۆرێک لە بۆشایی وەکو ئەوەی باسی لێوە دەکرێت."

 

ئەوەشی خستووەتەڕوو، “لە نۆی ئەم مانگەوە عێراق دەکەوێتە بۆشایی دەستووری و جۆرێک لە پێشێلکاری دەقە دەستورییەکان، ئەو دەقە دەستوریانە لە عێراق ماوە زەمەنی- کاتیەکانی دیاریکردووە ئێستا ئەو سەقفە کاتییانەی کە دیاریکراون لەلایەن دەسەڵاتی سیاسییەوە دەبەزێنرێت واتە دەسەڵاتی سیاسی پێوەی پابەند نابێت ئەمەش ڕەنگە جۆرێک لەوە دەبێت کە پرۆسەی سیاسی لە عێراق بکەوێتە لەکارکەوتنەوە بە شێوەیەک لە شێوەکان کە نەتوانرێت ئەو بەستەڵەکە بشکێنرێت کە ئێستا دۆخی سیاسی عێراقی تێی کەوتووە”.

 

ڕوونیشیکردووەتەوە، " ئەگەر بەو ئاڕاستەیەش بڕوات بە دڵنیاییەوە ئەگەر لایەنەکان جۆرێک لە سازش بۆ یەکتری نەکەن ئەوە یەکێک لە ئەگەرەکان هەڵوەشانەوەی ئەم خولەی پەرلەمان و ئەنجامدانەوەی هەڵبژاردنە."