ناس کورد-
فراکسیۆنى پارتى لەپەرلەمانى عێراق بایکۆتى کۆبوونەوەى سبەینێی پەرلەمانى راگەیاند بۆ هەڵبژاردنى سەرۆک کۆمار.
کەناڵی ناس کورد لە تێلیگرام جۆین بکە
نوسینگەى راگەیاندنى فراکسیۆنى پارتى لەبەیاننامەیەکدا کە دەست "ناس کورد" کەوتووە رایگەیاند، لەپێناو بەرژەوەندى گشتى بەئامانجى تەواوکردنى گفتوگۆکان و بەردەوامیدان بە گفتوگۆکانى ئێستا لەنێوان کوتلە سیاسییەکان، بڕیاریانداوە بەشدارى کۆبوونەوەى سبەینێی پەرلەمان نەکەن.
تا ئێستا هەر سێ فراکسیۆنە هاوپەیمانەکە کە پێکهاتوون لە سەدرییەکان و پارتى و سوننەکان بایکۆتکردنى کۆبوونەوەى سبەینێی پەرلەمانیان راگەیاندووە بۆ هەڵبژاردنى سەرۆک کۆمار.
پێشتر پەرلەمانى عێراق کارنامەى دانیشتنى تایبەت بە هەڵبژاردنى سەرۆک کۆمارى راگەیاند، کە بڕیارە سبەینێ ئەنجام بدرێت.
بەپێی کارنامەکە کە دەست "ناس کورد" کەوتووە، دانیشتنى سبەینێ لەدوو خاڵ پێکدێت، سوێندخواردنى ژمارەیەک ئەندامى پەرلەمان و هەڵبژاردنى سەرۆک کۆمار.
