گه‌ڕان

Shadow Shadow
سیاسه‌تی

نوێ

هۆشیار زێباری لەسەر بڕیارەکەی دادگای فیدڕاڵی هاتەدەنگ

2022.02.06 - 19:21
App store icon Play store icon Play store icon
هۆشیار زێباری لەسەر بڕیارەکەی دادگای فیدڕاڵی هاتەدەنگ

 ناس کورد-

هۆشیار زێباری لەسەر بڕیارەکەی دادگای فیدڕاڵی هاتەدەنگ و ڕایگەیاند، رێز لە بڕیاری دادگەی فیدراڵی دەگرێت لە ڕاگرتنی بەربژێربوونی بەشێوەی کاتی تاوەکو یەکلابوونەوەی ئەو داوایەی لەسەری تۆمارکراوە

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا هۆشیار زێباری، کاندیدی پارتی بۆ سەرۆک کۆماری عێراق (یەکشەممە 6-2-2022) ڕایگەیاند، "رێز لە بڕیاری دادگای فیدراڵی دەگرین لە وەستاندنی کاندیدبوونمان بەشێوەیەکی کاتی تاوەکو یەکلابوونەوەی ئەو داوایەی لەسەرمان تۆمارکراوە."

 

ئاماژەی بەوەشکردووە، "متمانەمان بەوەیە کە دادگا ئەوە یەکلابکاتەوە کە پێشتر دامەزراوەکانی دەوڵەت سەلماندوویانە لە شیابوونم بۆ کاندیدبوون، ئەوەشی بانگەشەی بۆ دەکرێت جگە لە دەستگرتنی زیاتر بە کورسییەوە هیچی دیکە نییە." 

 

لەدوای سکاڵای چوار پەرلەمانتار کە سیانیان یەکێتین و ئەوی تریان سەربەخۆیە، دادگای فیدڕاڵی ڕێکارەکانی کاندیدبوونی هۆشیار زێباری ڕاگرت بەوپێیەی مەرجەکانی "باشی ناوبانگ و ڕاساڵی" تێدا نییە.