گه‌ڕان

Shadow Shadow
سیاسه‌تی

زانیاریی زیاتر

وەزارەتی کاروباری کۆمەڵایەتی: بڕێک پارە به‌ خەڵکی کەمدەرامەت ده‌درێت

2022.02.06 - 17:05
App store icon Play store icon Play store icon
وەزارەتی کاروباری کۆمەڵایەتی: بڕێک پارە به‌ خەڵکی کەمدەرامەت ده‌درێت

ناس کورد- 

بریکاری وەزارەتی کاروباری کۆمەڵایەتی ڕایگەیاند بە هەماهەنگی لەگەڵ بانکی نێودەوڵەتی، هاوکاریی ژمارەیەک خێزانی کەمدەرامەتی دهۆک دەکەن، دەشڵێت، هاوکارییەکە بڕێک پارەیە بۆ کۆمەککردنی خەڵکی کەمدەرامەت.

کەناڵی ناس کورد لە تێلیگرام جۆین بکە   

 

زەکیا سەید ساڵح، بریکاری وەزارەتی کاروباری کۆمەڵایەتی (یەکشەممە 6-2-2022) بە ماڵپەڕی فەرمیی پارتی ڕاگەیاند، " پڕۆژەی هاوکارییەکە وەک تێست لە پارێزگای دهۆک جێبەجێ دەکرێت و تا ئێستا سێ هەزار و 200 خێزان تۆمار کراون، وەزارەت لەگەڵ بانکی نێودوڵەتی پڕۆسەکە بەڕێوە دەبات و پارەیەکی مانگانە، کە تا ئێستا دیاری نەکراوە، بەسەر ئەو خێزانانەدا دابەش دەکرێت.

 

ئاماژەی بەوەشکردووە، "هاوکارییەکە لەلایەن حکومەتی هوڵەنداوە دابین کراوە و بۆ پاڵپشتیی خێزانە هەژارەکانە، ئەوانەی هیچ داهاتێکیان نییە، ئەمەش هەنگاوێکی باشە بۆ خێزانە کەمدەرامەتەکان." 

 

ئەوەشی خستووەتەڕوو، "حکومەتی هەرێمی کوردستان لە هەوڵدایە بۆ گێڕانەوەی مینحەی خێزانە بێسەرپەرشت و کەمدەرامەتەکان، بەڵام پڕۆسەکە هێشتا لە قۆناغی لێکۆڵینەوەدایە و دوای تەواوبوونی بڕیار لەسەر دابەشکردنی دەدرێت."