گه‌ڕان

Shadow Shadow
سیاسه‌تی

وردەکاریی

هەولێر؛ هاووڵاتییەک لەنێو ماڵەکەی خۆیدا کوژرا

2022.02.04 - 11:21
App store icon Play store icon Play store icon
هەولێر؛ هاووڵاتییەک لەنێو ماڵەکەی خۆیدا کوژرا

ناس کورد- 

لە گوندێکی سنوری پارێزگای هەولێر هاووڵاتییەک لەنێو ماڵەکەی خۆیدا کوژرا و پۆلیسی هەولێریش دەڵێت، لەسە کێشەی کۆمەڵایەتی بووە و ناسنامەی بکەرانی تاوانەکەیان دۆزیوەتەوە، برایەکیشی دەڵێت، ڕەتیکردووەتەوە کچێک بخوازێت بۆیە کوژاوە

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا بەڕێوەبەرایەتی پۆلیسی هەولێر (هەینی 4-2-2022) ڕایگەیاند، " (10:30) خولەکی شەوی ڕابردوو ئاگادارکراینەوە لە کوژرانی کەسێک لە گوندی عەلیاوە مەردان لە سنوری ناحیەی قوشتەپە." 

 

ئاماژەی بەوەشکردووە، "دەستبەجێ تیمێکی لێکۆڵینەوە گەشتنە شوێنی مەبەست و دەستیانکرد بە ئەنجامدانی لێکۆڵینەوە لەڕووداوەکە، لەلێکۆڵینەوەکان دەرکەوت کەوا هاووڵاتیەک بەناوی (ئەحمد لطیف سلێمان) لە ناو ماڵی خۆی بە گوللـە کوژراوە." 

 

ئەوەشی خستووەتەڕوو، "بەپێی ئەو زانیاریانەی کە دەست هێزەکانی پۆلیس کەوتوە ناوبراو بە هۆی کێشەیەکی کۆمەڵایەتی کوژراوە و شوناسنامەی بکەرانی تاوانەکەشمان دۆزیەوە، پەڕاوی لێکۆڵینەوە بۆ ئەم ڕووداوە کرایەوە و تەرمەکە ڕەوانەی پەیمانگای پزیشکی دادی کرا." 

 

هاوکات عه‌بدولسه‌مه‌د له‌تیف، برای کوژراوەکە لە لێدوانێکی ڕۆژنامەوانیدا کە "ناس کورد" بینیویەتی ڕایگەیاند، "رووداوه‌كه‌ به‌ هۆی كێشه‌یه‌كی كۆمه‌ڵایه‌تییه‌وه‌ بووه‌، ته‌نها له‌به‌ر ئه‌وه‌ی ره‌تیكردووه‌ته‌وه‌، كچێك بخوازێت، ئه‌حمه‌دی برام كوژرا."