گه‌ڕان

Shadow Shadow
سیاسه‌تی

تەرمەکانیان دۆزرانەوە

12 کۆچبەر لەسەر سنورى تورکیا و یۆنان لەسەرما رەقبوونەوە

2022.02.02 - 23:17
App store icon Play store icon Play store icon
12 کۆچبەر لەسەر سنورى تورکیا و یۆنان لەسەرما رەقبوونەوە

ناس کورد-

 

تەرمى 12 کۆچبەر لەنزیک سنورى تورکیا لەگەڵ یۆنان دۆزرانەوە دواى ئەوەى لەسەرما رەقبوونەتەوە، هەردوو وڵاتەکەش یەکترى تۆمەتباردەکەن.

کەناڵی ناس کورد لە تێلیگرام جۆین بکە   

 

دەسەڵاتدارانى تورکیا دەڵێن، سەرلەبەیانى ئەمڕۆ سێ تەرمیان دۆزیوەتەوە و دواتریش لە ئۆپراسیۆنێکدا چەند تەرمێکى دیکە دۆزراونەتەوە، کە بەهۆى سەرماوە گیانیان لەدەستداوە، ئەوەش بەپێی بی بی سی.

 

ئاماژە بەوەشدەکەن، دەسەڵاتدارانى یۆنان ئەو کۆچبەرانەیان گەڕاندووەتەوە بۆ سەر سنور ئەوەش بووەتە هۆکارى مردنیان، یۆنانیش بەتوندى ئەوە رەتدەکاتەوە.

 

وەزیرى کۆچى یۆنان مردنى ئەو کۆچبەرانەى بە "تراژیدى" ناوبرد و دەڵێت راستییەکان لەگەڵ پڕوپاگەندەکانى تورکیا ناگونجێن و کۆچبەرەکان نەگەیشتونەتە سنورى یۆنان.