گه‌ڕان

Shadow Shadow
سیاسه‌تی

زانیاریی زیاتر

قاسم دوای دوو مانگ لە مردنی نەسرینی تازە بوکی خۆی کوشت

2022.01.28 - 17:59
App store icon Play store icon Play store icon
قاسم دوای دوو مانگ لە مردنی نەسرینی تازە بوکی خۆی کوشت

ناس کورد-

دوای ئەوەی نەسرینی هاوسەری لە شیرینی خەودا و دوای مانگێک لە هاوسەرگیری گیانی لەدەست دا، ئەمرۆ قاسمیش کۆتایی بە ژیانی خۆی هێنا.

کەناڵی ناس کورد لە تێلیگرام جۆین بکە   

 

سێ مانگ لەمەوبەر نەسرین و قاسم لە شنگال هاوسەرگیرییان كرد، دوای تێپەڕبونی چوار هەفتە بەسەر هاوسەرگیرییەكەیاندا، نەسرین گیانیلەدەست دا، بەپێی وتەی كەسوكاری هیچ نەخۆشییەكی نەبووە.

 

ئەمڕۆش هەینی، 28-1-2022، قاسمی مەحمودی هاوسەری كۆتایی بە ژیانی خۆی هێنا.


مشکۆ سالح، دانیشتوی گوندی بۆرکە، شوێنی لە دایکبونی قاسم مەحمود، لە لێدوانێكیدا بۆ كەركوك ناو  جەختیكردەوە "دوای چوار هەفتە نەسرین لە خەودا بەبێ ئەوەی هیچ نەخۆشییەکی هەبێت گیانیلەدەستدا".


وتیشی، "لەڕوی ماددییەوە دەستکورت بون، هەتا قاسم پارەی پێویستی لەبەردەستدا نەبوو، كە مارەیی نەسرین بدات، دوای گیانلەدەستدانی نەسرینی هاوژینیشی، رۆژ لە دوای رۆژ دۆخی قاسم خراپتر دەبوو، تا ئەمڕۆ قاسم بە پەتێک كۆتایی بە ژیانی خۆی هێنا".


نەسرین بابیر دانیشوی ناوچەی سولاغە کە دەکەوێتە رۆژهەڵاتی شنگال، قاسم مەحمودیش خەڵکی کۆمەڵگەی بۆرکە بوو کە دەکەوێتە باکوری قەزای شنگال لە پارێزگای نەینەوا.