گه‌ڕان

Shadow Shadow
سیاسه‌تی

نوێ

نەوەی نوێ بڕیاری نوێ لەبارەی کێبڕکێی پۆستی سەرۆک کۆمار دەردەکات

2022.01.27 - 19:33
App store icon Play store icon Play store icon
نەوەی نوێ بڕیاری نوێ لەبارەی کێبڕکێی پۆستی سەرۆک کۆمار دەردەکات

ناس کورد- 

شاسوار عەبدولواحید، سەرۆکی جوڵانەوەی نەوەی نوێ ڕایگەیاند، چەند بژاردەیەک لەبەردەمیاندایە لەبارەی پۆستی سەرۆک کۆمارەوە، ئەویش دەنگدانە بە کاندیدەکانی یەکێتی یاخود پارتی یاخود نەکشانەوەی کاندیدەکەی خۆیان و دەنگنەدان بە کاندیدەکانی ئەوان، دەشڵێت، ڕۆژی شەممەی داهاتوو ئەو پرسە یەکلادەکەنەوە و بڕیاری کۆتایی دەدەن.

کەناڵی ناس کورد لە تێلیگرام جۆین بکە   

 

دەقی پەیامەکەی سەرۆکی جوڵانەوەی نەوەی نوێ: 

 

لەسەر پۆستی سەرۆک کۆمار ڕای جەنابتانم لاگرنگە و حەزدەکەم پێشنیازمان بۆ بکەن، بە تایبەت دەنگدەرانی نەوەی و هەر بەڕێزێکی تر کە ڕایەک و پێشنیازێکی واقیعی هەیە (تا کۆتایی خوێنەری بابەتەکە بن):

 

لە ئێستادا چاوەکان لەسەر نەوەی نوێن بۆ یەکلاکردنەوەی بابەتی پۆستی سەرۆک کۆمار، چەند بژاردەیەک هەیە لەبەردەم نەوەی نوێدا کە حەز دەکەم ڕای جەنابتان بزانم:

 

١- نەکشانەوەی کاندیدەکەی نەوەی نوێ و دەنگنەدان بە هیچ کام لە کاندیدانی پارتی یان یەکێتی.

 

٢- کشانەوەی کاندیدەکەی خۆمان و دەنگدان بە کاندیدی یەکێتی.

 

٣- کشانەوەی کاندیدەکەی خۆمان و دەنگدان بە کاندیدی پارتی.

 

ئەوەی کە باس لە سود و قازانج دەکرێت ئەوەیە کە دوو را هەیە:

 

ڕایەک دەڵێن ناکرێت نەوەی نوێ لە بابەتێکی واگەورەدا بێلایەن بێت و ئاست و کاریگەری جوڵانەوەکە بچووك بکەیتەوە و بێبەهای بکەیت و پرسێکی وا گەورە یەکلا نەکەیتەوە، بە تایبەت دەتوانیت کۆمەڵێک داواکاریت هەبێت لە پێناو هاوڵاتییان و خزمەتکردنی خەڵکدا.

 

ڕایەکی تریش هەیە دەڵێت ناکرێت نەوەی نوێ دەنگ بدات بە هیچ کاندیدێکی دەسەڵات، چونکە هەردوو حیزبی دەسەڵات وەک یەک بەرپرسن لە نەهامەتییەکانی هاوڵاتییان.

 

لە کۆتاییدا ڕای جدی جەنابتانم پێویستە. ئێوە بن چ بڕیارێک دەدەن؟  بە دڵنیاییەوە لای نەوەی نوێ بەرژەوەندی هاوڵاتییان و ڕای دەنگدەرانمان بە پلەی یەک لا گرنگە.

 

رۆژی شەممە کۆبونەوەی ئەنجومەنی سیاسی جوڵانەوەکەیە و بریاری کۆتایی دەدەین.

سوپاس بۆ هەمووتان