گه‌ڕان

Shadow Shadow
سیاسه‌تی

زانیاریی زیاتر

یاساییەك: چوار كێشە لە گرێبەستی ئەلیكترۆنیدا هەیە

2022.01.24 - 09:00
App store icon Play store icon Play store icon
یاساییەك: چوار كێشە لە گرێبەستی ئەلیكترۆنیدا هەیە

ناس کورد- 

عەبدولقادر ساڵح، ڕاوێژکاری یاسایی و شارەزا لە بواری یاسا لە نوسینێکدا چوار کێشە لە گرێبەستی ئەلکترۆنیدا دەخاتەڕوو کە لە لایەن وەزارەتی دادی هەرێمەوە گرێبەستەکە بە نایاسایی دادەنرێت.

کەناڵی ناس کورد لە تێلیگرام جۆین بکە   

 

دەقی نوسینەکەی عەبدولقادر ساڵح: 

 

ئیشکالیەتەکە لە کوێدایە ؟

 

یەکەم: رێنمایى ژمارە (3)ى ساڵى 2021 ى وەزارەتى ناوخۆ دەربارەى گرێبەستى ئەلەکترۆنى کڕین و فرۆشتنى ئۆتۆمبیل لە رۆژنامەى وەقایعى کوردستان ژمارە (262) لە رێکەوتى 18/2/2021 بڵاو کراوەتەوە کە رۆژنامەکە لەلایەن وەزارەتى دادى هەرێمى کوردستانەوە دەردەچێت .

 

دووەم: لەماددەى (3) لە یاساى بڵاوکردنەوە لە رۆژنامەى فەرمى (وەقایعى کوردستان) ژمارە (4)ى ساڵى 1999 دا هاتووە کە ئەوەى لەو رۆژنامەیە بڵاودەکرێتەوە بە دەقى رەسمى و باوەڕپێکراو دادەنرێت …

 

سێیەم: بە گوێرەى بڕیارێکى ئەنجومەنى وەزیرانى هەرێم پێویستە وەزارەتەکانى لە کاتى دەرکردنى رێنماییدا، پێش بڵاوکردنەوەى وێنەیەک بدەنە ئەنجومەنى شوراى هەرێم بۆ پێداچوونەوە و داڕشتنەوەى لەرووى یاساییەوە  کە ئەم ئەنجومەنەش  سەر بە وەزارەتى دادى هەرێمە .

 

چوارەم: وەزارەتی دادی  هەرێم بەنوسراوى  ژمارە ٢٠/١٩٠ دەڵێت : گرێبەستی ئەلیکترۆنی کڕین و فرۆشتنی ئۆتۆمبێل پێچەوانەی بەشی "٥"ی بڕگەی (١)ی یاسای هاتوچۆ ژمارە (٨٦)ی ساڵی ٢٠٠٤ی هەموارکراوە. هەروەها پێچەوانەی دەقی مادەی (٤٦)ە لە یاسای دادنوسی ژمارە (٣٣)ی ساڵی ١٩٩٨ی هەموارکراوە و هەروەک  دژی یاسای شارستانی عێراقی ژمارە 40ی ساڵی 1951ی هەموارکراوە، کە هەرکەسێک مافی پێدانی بریکارنامەی هەیە بە یەکێکی تر کە کارەکانی یاسایی پێ بکات.

 

 بە داخەوەم ...  بە چ ئاستێک گەیشتووین