گه‌ڕان

Shadow Shadow
سیاسه‌تی

ئەنجومەنی وەزیران ژمارەیەک بڕیاری دەرکرد

سبەی مەسرور بارزانی سەردانی بەغدا دەکات

2019.07.15 - 15:01
App store icon Play store icon Play store icon
سبەی مەسرور بارزانی سەردانی بەغدا دەکات

کەناڵی ناس کورد لە تێلیگرام جۆین بکە   

ناس کورد ئەنجومەنی وەزیرانی هەرێم لە ڕاگەیەندراوێکدا ئاشکرای کرد، سبەی شاندێک بە سەرۆکایەتی مەسرور بارزانی سەردانی بەغدا دەکات. . ئەمڕۆ دووشەممە 15ی تەمموزی 2019، ئەنجومەنی وەزیرانی هەرێم یەکەم کۆبوونەوەی فەرمی ئەنجامدا. . بەپێی ڕاگەیەندراوی ئەنجومەنی وەزیران، سەرۆکی حکومەت بڕیاریداوە "سبەینی شاندێکی باڵای حکومەتی هەرێم بۆ دەربڕینی نیاز پاکی سەردانی بەغدا دەکات بۆ گفتوگۆکردن لەبارەی دۆزینەوەی رێگاچارەی گونجاو بۆ کێشە هەڵپەسێردراوەکانی نێوان هەولێر و بەغد ا له چوارچێوه ى ده ستوور." . هاوکات لە کۆبوونەوەکەی ئەمڕۆی ئەنجومەنی وەزیراندا ژمارەیەک بڕیار دراون کە پەیوەستن بە دەوامی فەرمانبەران و بەرپرسانی پۆستەباڵاکانەوە. دەقی بڕیارەکانى یەکەمین کۆبوونەوەی ئەنجومەنی وەزیران: . یەکەم: سەرجەم وەزیرەکان و خاوه ن پۆستە باڵاکان دەبێت پابەند بن بە دەوامی فەرمی وەزارەتەکانیان لە دەستپێکی دەوامی رۆژانی یەکشەممەوە تا کۆتایی دەوامی فەرمی لە رۆژانی پێنجشەممە. . دووەم: سەرجەم فەرمانبەرانی حکومەتی هەرێم دەبێت پابەند بن بە کاتی دیاریکراوی دەوامی فەرمی و هیچ کەسێک بۆی نیە لە کاتی دەوامی فەرمیدا شوێنی کارکردنی خۆی بەجێ بهێڵیت یان کارێکی دیکەی دەرەوەی ئەرکەکەی جێبەجێ بکات. . سێیەم: فەرمانبەران دەبێت پابەند بن بە پاراستنی نهێنی کارووباری فەرمانبەرییەتی و نابێت ئەو زانیارییانەی کە بە نهێنی پۆلێن دەکرێن، لە دەرەوەی رێکارە یاساییەکان ئاشکرا بکرێن. . چوارەم: هەموو وەزیرەکانی کابینەی نۆیەمی حکومەتی هەرێمی کوردستان دەبێت بە پێی یاسا ورێنماییەکانی دەستەی دەستپاکیی کوردستان، سەرجەم  ماڵ و موڵکی خۆیان ئاشکرا بکەن. . پێنجەم: دەبێت رووتین لەداموودەزگانی حکومەتدا نەمێنێت وسەرجەم مامەڵەی هاووڵاتیان بە شێوەیەکی خێرا و وورد، لەلایەن فەرمانبەرانەوە جێبەجێ بکرێت. هەروەها وەڵامدانەوەی سکاڵاو و پرسیاری هاووڵاتیان بە شێوەیەکی خێرا و گونجاو، ئەرکی داموودەزگاکانی حکومەتە و دەبێت وەڵامی روون و ئاشکرا بۆ مامەڵەی هاووڵاتیان هەبێت و هۆکاری هەردواکەوتنێک یا رەزامەندی نەدانێک روون و ئاشکرا بێت وپێویستە رێز لە هاوڵاتیان بگیرێت لە داموودەزگاکانی حکومەتدا. . شەشەم: دیاردەی بەرتیلدان و بەرتیل وەرگرتن، لەناو دامودەزگاکانی حکومەتدا هەستی پێدەکرێت، بۆیە بنبڕ کردنی ئەم دیاردەیە دەبێتە یەکێک لەکارە لەپێشینەکانی وەزیر و بەرپرسە باڵاکانی حکومەتی هەرێم و ئەم بابەتە بە هیچ شیوەیەک چاوپۆشی لێ ناکرێت و سەرپێچیکاران بە تووندی سزا دەدرێن. .