گه‌ڕان

Shadow Shadow
سیاسه‌تی

تەندروستی لەبارەى داخستنی دەوامی خوێندنگە و زانکۆکان ڕوونکردنەوەی دا

2022.01.22 - 09:20
App store icon Play store icon Play store icon
تەندروستی لەبارەى داخستنی دەوامی خوێندنگە و زانکۆکان ڕوونکردنەوەی دا

ناس کورد-

تەندروستیی عێراق ڕایگەیاند، پێشنیازیان نەکردووە بۆ ڕاگرتنی دەوام لە قوتابخانە و زانکۆکان، سەرباری بەرزبوونەوەی ژمارەی توشبووانی کۆرۆنا.

کەناڵی ناس کورد لە تێلیگرام جۆین بکە   

 

هەیسەم عوبەیدی، بەڕێوەبەری هەماهەنگی لە وەزارەتی تەندروستیی عێراق لە ئاژانسی فەرمیی عێراقییەی (22-1-2022) ڕاگەیاند، "بەهۆی نەبوونی مەترسی ڕاستەوخۆ لەسەر خوێندکاران، تائێستا داوای داخستنی دەوامی قوتابخانە و زانکۆکانمان نەکردووە و بە بەردەوامیش چاودێری دۆخی کۆرۆنا دەکەین."

 

ڕوونیشیکردەوە کە "گۆڕاوی نوێی ئۆمیکرۆن نابێتەهۆی هەوکردنی سییەکان و وەک ئەوانەی پێش خۆی نییە."

 

هەیسەم عوبەیدی باسی لەوەشکرد کە "ژمارەی پشکنینی تاقیگەیی لە ڕۆژێکدا 25 هەزای تێپەڕاندووە، هەموو توشبووەکانیش تێکەڵەیەکن لە گۆڕاوەکانی دەلتا و ئۆمیکرۆن."

 

ئەو بەرپرسەی تەندروستی پێشبینی داغڵبوونی ژمارەیەکی زۆرتری توشبووانی کرد بۆ نەخۆشخانەکان.