سلێمانی؛ لە دۆخی ئەمشەو و سبەینێ هۆشداری بە هاووڵاتیان دەدرێت

ناس کورد- 

بەڕێوەبەرایەتی هاتوچۆی سلێمانی هاووڵاتیان ئاگاداردەکاتەوە کە زۆرینەی شەقامە لاوەکی و سەرەکییەکانی ناوشاری سلێمانی بەهۆی بارینی بەفرێکی زۆر و بە بەستەڵەکە بوونیان مەترسیدارن و شیاو و سەلامەت نین بۆ شۆفێریکردن، بۆیە داوا لە هاووڵاتیان دەکات ئەمشەو و سەرلەبەیانیی سبەینێ لە ماڵەکانیان بمێننەوە.

کەناڵی ناس کورد لە تێلیگرام جۆین بکە   

دەقی ئاگادارییەکە:

بەڕێوەبەرایەتی هاتووچۆی سلێمانی ئاگاداری شۆفێرانی بەڕێز دەکات کە لەئێستادا زۆرینەی شەقامە لاوەکی و سەرەکییەکانی ناوشاری سلێمانی بەهۆی بارینی بەفرێکی زۆر و وە بە بەستەڵەکە بوونیان مەترسیدار و شیاو و سەلامەت نین بۆ شۆفێریکردن تیایاندا، هەروەها ناوچە شاخاوییەکان و ڕێگاوبانی دەرەوە بەسەرجەم قەزاو ناحییەکان و دەروازەکانی شاری سلێمانی بەهەمان شێوە مەترسیدارە بۆ شۆفێریکردن.

تکاو داوامان لە شۆفێرانی بەڕێز ئەوەیە ئەمشەو و سەرلەبەیانی سبەینێ لە ماڵەکانی خۆتاندا بمێننەوە بەمەبەستی سەلامەتیتان لە ڕووداو و کارەساتەکانی هاتووچۆ.

لە حاڵەتی پێویستدا دەتوانن پەیوەندی بکەن بە:

ژمارە ١٠٠ سەنتەری هەماهەنگی هاوبەش / پارێزگای سلێمانی P.JCC

ژمارە ١٨٨ کۆنترۆڵی هاتووچۆ

ژمارە ١١٥ بەرگری شارستانی

ژمارە ١٢٢ فریاگوزاری تەندروستی

راگەیاندنی هاتووچۆی پارێزگای سلێمانی