گه‌ڕان

Shadow Shadow
سیاسه‌تی

پارێزگاى هەولێر بۆ هاوڵاتییان: لەماڵەکانتان بمێننەوە

2022.01.20 - 16:09
App store icon Play store icon Play store icon
پارێزگاى هەولێر بۆ هاوڵاتییان: لەماڵەکانتان بمێننەوە

ناس کورد-

 

پارێزگاى هەولێر داوا لە هاوڵاتییان دەکات لەماڵەکانیان بمێننەوە و  ڕێگاکانى دەرەوەى شار بەکارنەهێنن، چونکە بەفر ئاستەنگیی زۆری بۆ هاتووچۆ دروست کردووە.

کەناڵی ناس کورد لە تێلیگرام جۆین بکە   

 

بەپێی راگەیەنراوێکى پارێزگا کە دەست "ناس کورد" کەوتووە، سەربارى ئەوەى تیمەکانى حکومەت لە بەڕێوەبەرایەتی چاككردنەوە و پاراستنی رێگاوبانی هەولێر و بەرگرى شارستانى و هاتووچۆى هەولێر و تیمە خزمەتگوزارییەکان بەردەوام لەکارکردندان بۆ ڕاماڵینى ڕێگاکان لە بەفر و پاراستنى سەلامەتى گیانى هاوڵاتیان و شوفێران، لەگەڵ ئەودا بەفر ئاستەنگیی زۆری بۆ هاتووچۆ دروست کردووە.

 

دەقى راگەیەنراوەکە:

 

راگەیندراوێک لە پارێزگاى هەولێر

ئاگادارى سەرجەم هاوڵاتییان و شوفێرانی سنوورى پارێزگاکەمان دەکەینەوە بەهۆى ئەو شەپۆلە بەفرەى لەدوێنێ شەوەوە شار و شارۆچکە و گوند و ناوچەکانی سنوورى پارێزگاکەمانى گرتۆتەوە، سەربارى ئەوەى تیمەکانى حکومەت لە بەڕێوەبەرایەتی چاككردنەوە و پاراستنی رێگاوبانی هەولێر و بەرگرى شارستانى و هاتووچۆى هەولێر و تیمە خزمەتگوزارییەکان بەردەوام لەکارکردندان بۆ ڕاماڵینى ڕێگاکان لە بەفر و پاراستنى سەلامەتى گیانى هاوڵاتیان و شوفێران، لەگەڵ ئەودا بەفر ئاستەنگیی زۆری بۆ هاتووچۆ دروست کردووە و  رێگاکان مەترسیدارن، بۆیە تکا دەکەین ئەوەى کارى زۆر پێویست و بەپەلەى نەبێت ڕێگاکانى دەرەوەى شار بەکارنەهێنێت و لەماڵەکەى خۆتان بمێنەوە، بۆگەشت و سەیران و بەسەربردنى چەند کاتێکى خۆش خۆتان دووچارى کێشە و مەترسى نەکەن.

 

پارێزگاى هەولێر