گه‌ڕان

Shadow Shadow
سیاسه‌تی

بۆری نەوتی هەرێمی کوردستان لە تورکیا تەقییەوە

2022.01.19 - 08:12
App store icon Play store icon Play store icon
بۆری نەوتی هەرێمی کوردستان لە تورکیا تەقییەوە

ناس کورد-

کۆمپانیای بۆتاشی تورکی ڕایگەیاند، بۆریی نەوتی هەرێمی کوردستانی بۆ بەندەری جەیهان لە نزیک پارێزگای کاهرەمانمارس تەقیوەتەوە و بەهۆیەوە گواستنەوەی نەوت ڕاگیراوە.

کەناڵی ناس کورد لە تێلیگرام جۆین بکە   


کۆمپانیاکە لە ڕاگەیەنراوێکدا (18-1-2022) ئاشکرای کرد،  تەقینەوەکە کاتژمێر 7:30ی ئێوارەی دوێنێ سێشەممە تەقێنراوەتەوە و دەشڵێت، "ئاگرەکە وەستنێراوە و تیمەکان سەرقاڵی تەواو کۆنتڕۆڵکردنی دۆخەکەن.


کۆمپانیاکە زانیاری لەبارەى هۆکاری تەقینەوەکە نەداوە و تەنها نوسیویەتی "بەهۆکارێکی نادیار".

 

جەختیشیکردووەتەوە کە "بەزووترین کات" بۆرییەکە چاک دەکرێتەوە و گواستنەوەی نەوت دەستپێدەکات.

 

ئەوە لەکاتێکدایە ئەمڕۆ چوارشەممە نرخی نەوتی برێنت زیاتر بەرزبووەوە و یەک بەرمیل بە 88 دۆلار و 81 سەنت مامەڵەی پێوەکرا کە ئەوەش بەرزترین ئاستە کە لە مانگی 10ی ساڵی 2014ەوە تۆمار کرابێت.