گه‌ڕان

Shadow Shadow
سیاسه‌تی

زانیارى زیاتر

بەیاننامەى فەرمى: ئەنجامدەرانى تەقینەوەکانى بەغدا ئاشکرادەکرێن

2022.01.17 - 00:14
App store icon Play store icon Play store icon
بەیاننامەى فەرمى: ئەنجامدەرانى تەقینەوەکانى بەغدا ئاشکرادەکرێن

ناس کورد-

شانەى میدیاى ئەمنى عێراق رایگەیاند، ئەنجامدەرانى دوو تەقینەوەکەى ناوچەى کەرادەى بەغد ئاشکرادەکەن و دەیاندۆزنەوە کە دوو بانکیان کردە ئامانج.

کەناڵی ناس کورد لە تێلیگرام جۆین بکە   

 

شانەى میدیاى ئەمنى لە بەیاننامەیەکدا کە دەست "ناس کورد" کەوتووە جەختیکردووەتەوە، لەماوەیەکى نزیکدا ئەنجامدەرانى ئەو دوو تەقینەوەیە ئاشکرادەکەن دواى ئەوەى شیکردنەوەى سەرەتاییان کردووە بۆ تەقینەوەکان و ئەو زانیارییانەى لەبەردەستیانە.

 

ئاماژەى بەوەشکردووە، سزادانى ئەنجامدەرانى تەقینەوەکان بەم زووانە دەبێت و دواناکەوێت و ئەوانەش ئاشکرادەکرێن کە لەپشت تەقینەوەکانەوە بوون کە ئامانج لێی تێکدانى ئاسایش و سەقامگیریی و تێکەڵکردنى کارتەکانە.

 

ئامانجى دوو تەقینەوەکەى بەغدا بانکەکانى جیهان و کوردستان بووە لەناوچەى کەرادەى بەغدا کە بەهۆیەوە چەند کەسێک برینداربوون.  

  

سەرچاوەیەکى ئەمنى بۆ "ناس" ى ئاشکراکرد، تەقینەوەى یەکەم بۆ بە ئامانج گرتنى بانکى جیهان بووە لەگۆڕەپانى واسقى ناوچەى کەرادە، کە بەهۆیەوە چەند پاسەوانێکى بانکى جیهان برینداربوون، سەرەڕاى زیانى ماددى کەبە ئۆتۆمبێل و بانکەکە گەیشتووە.  

  

لاى خۆیەوە، شانەى میدیاى ئەمنى رایگەیاند، لێکۆڵینەوەیان دەستپێکردووە لەو دوو تەقینەوەیەى لەرێگەى بۆمبى دەنگییەوە ئەنجامدران کە بانکەکانى جیهان و کوردستانیان لەکەرادە بەئامانج گرت و بەهۆیەوە دوو کەس بەسوکى برینداربوون.