گه‌ڕان

Shadow Shadow
سیاسه‌تی

بەیاننامەیەک لەچوارچێوەى هەماهەنگییەوە لەبارەى کۆبوونەوەى سەدر و عامرى

2022.01.16 - 23:46
App store icon Play store icon Play store icon
بەیاننامەیەک لەچوارچێوەى هەماهەنگییەوە لەبارەى کۆبوونەوەى سەدر و عامرى

ناس کورد-

چوارچێوەى هەماهەنگى شیعەکان رایگەیاند، کۆبوونەوەى هادى عامرى و موقتەدا سەدر ئیجابی بووە و بەردەوام دەبن لە گفتوگۆ لەگەڵ لایەنەکان بۆ گەیشتن بە چارەسەرى کێشەکان.

کەناڵی ناس کورد لە تێلیگرام جۆین بکە   

 

چوارچێوەى هەماهەنگى لە بەیاننامەیەکدا کە دەست "ناس کورد" کەوتووە لەدواى کۆبوونەوەکەى لەماڵى حەیدەر عەبادى جەختى لەیەکگرتوویی چوارچێوەکە و پاراستنى یەکێتى نیشتیمانى و بەردەوام بوون لە گفتوگۆ لەگەڵ لایەنەکان بۆ گەیشتن بە چارەسەرى کێشەکان کردووەتەوە.

 

ئاماژەى بەوەشکردووە، لەکۆبوونەوەکەدا تاوتوێی کۆبوونەوەى هادى عامرى و موقتەدا سەدر کراوە کە ئیجابی بووە، هەروەها هانى چڕکردنەوەى دیدار و گفتوگۆکانیان داوە لەگەڵ لایەنەکان بۆ گەیشتن بە چارەسەر.

 

موقتەدا سەدری ڕێبەری ڕەوتی سەدر پاش دیداری دوێنێ شەوی هادی عامری لەماڵەكەی خۆی ئەمڕۆ بە دوو دێڕی دەستخەت جەختی لە هەڵوێستەكانی پێشووی كردەوە.  

  

سەدر لە تویتێكدا (16_1_2022) كە "ناس كورد" بینیویەتی بە جافی سوور و سەوز نووسیویەتی، " نە رۆژهەڵاتی و نە رۆژئاوایی، حكومەتێكی زۆرینەی نیشتمانی."