گه‌ڕان

Shadow Shadow
سیاسه‌تی

زانیاریی زیاتر

ئەمەریکا لەبارەی عێراقەوە هۆشدارییەک بە ئێران دەدات

2022.01.14 - 15:49
App store icon Play store icon Play store icon
ئەمەریکا لەبارەی عێراقەوە هۆشدارییەک بە ئێران دەدات

ناس کورد- 

ڕۆژنامەی نیویۆرک تایمزی ئەمەریکی ڕایگەیاند، بەرپرسانی ئەمەریکا هۆشدارییان داوەتە ئێران لە ئەگەری دووبارەبوونەوەی هێرشەکانی سەر باڵیۆزخانەی ئەمەریکا لە عێراق.

کەناڵی ناس کورد لە تێلیگرام جۆین بکە   

 

شەوی پێنجشەممە 13-1-2022، چەند مووشەکێک ئاڕاستەی ناوچەی سەوزی بەغدا کران و باڵیۆزخانەی ئەمەریکا کرایە ئامانج، بەڵام هێرشەکە زیانێکی ئەوتۆی گیانی نەبوو، جگە لەوەی دوو هاووڵاتی مەدەنی برینداربوون. 

 

ڕۆژنامەی نیویۆرک تایمزی ئەمەریکی لەزاری جۆن کێربی، وتەبێژی وەزارەتی بەرگریی ئەمەریکاوە (هەینی 14-1-2022) بڵاویکردووەتەوە، "وەڵامی ئەمەریکا بۆ هێرشەکانی سەر باڵیۆزخانەکەی لە عێراق لە کاتی خۆیدا دەبێت." 

 

وتەبێژی پنتاگۆن ئاماژەی بەوەشکردووە، "ژمارەیەکی کەمی مووشەکەکان گەیشتوونەتە ناوچەی سەوز و هێشتا بەرپرسانمان لە باڵیۆزخانە زیانەکان هەڵدەسنگێنن." 

 

ئەوەشی خستووەتەڕوو، "پێشتریش وتوومە، ئێمە ئەو کارە دەکەین کە پێویستە بۆ پاراستنی گەلەکەمان بیکەین، کەواتە لەکاتی خۆیدا وەڵامی ئەو هێرشانە دەدەینەوە و کات و شوێنێک هەڵدەبژێرین." 

 

کێربی خەختیشیکردووەتەوە، ئەمەریکا لە ڕێگەی دیکەشەوە ئێرانی لەوە ئاگادارکردووەتەوە کە زۆر جدیە لە مامەڵەکردن لەگەڵ ئەو دۆخە و بەردەوامی هێرشەکان بۆسەر باڵیۆزخانەکەی لە بەغدا.