گه‌ڕان

Shadow Shadow
سیاسه‌تی

ڕەگەزنامەی ئەمەریكی هەیە

لێدوانی ئەو پەرلەمانتارەی سەرۆكایەتی پەرلەمانی عێراقی بە هەڵپەساردن دا

2022.01.14 - 10:35
App store icon Play store icon Play store icon
لێدوانی ئەو پەرلەمانتارەی سەرۆكایەتی پەرلەمانی عێراقی بە هەڵپەساردن دا

ناس كورد_

باسم خەشان پەرلەمانتاری سەربەخۆ و سكاڵاكار دژی سەرۆكایەتی پەرلەمانی عێراق لە دادگای فیدراڵی ڕایگەیاند "هەنگاوەكێكی فراوانە بۆ بەدەستوریكردنی ڕێوشوێنەكانی پەرلەمان".

کەناڵی ناس کورد لە تێلیگرام جۆین بکە   

خەشان كە لەگەڵ مەحمود مەشهدانی سەرۆكی تەمەندا سكاڵایان كردووە لە بەیاننامەیەكی كورتدا كە "ناس كورد" بینیویەتی (14_1_2022) باس لەوە دەكات لە هەنگاوی تری هاوشێوە بەردەوام دەبێت.

 

باسم خەزعەل خەشان خەڵكی پارێزگای سەماوەیە، لە خولی پێشوودا (چوارەم) كێشەی زۆری لەگەڵ محەمەد حەلبوسی و ڕەوتی سەدردا بۆ دروستبوو چونكە لە 2020 داوایەكی یاسایی بردەوە بۆ ئەوەی ببێتە پەرلەمانتار پاش ئەوەی لە چوارچێوەی هاوپەیمانییەكەی سەدر و شیوعییەكان (سائیرون) دەنگی پێویستی بەدەستهێنابوو، بەڵام محەمەد حەلبوسی و حەسەن كەعبی جێگری كە سەدرییە، سوربوون لەسەر ئەوەی نەهێڵن بچێتە ناو تەلاری پەرلەمان و گوێیان بە فرمانی دادگا نەدا.

 

خەشان كە پارێزەرە و هەڵگری ڕەگەزنامەی ئەمەریكییە، كەسێكی چالاكە و لە یەكەم دانیشتنی پەرلەمان دۆسییەیەكی دژی حەلبوسی خستەڕوو بۆ ئەوەی ڕێگری بكات لە خۆكاندیدكردنی حەلبوسی، بەڵام بەهەند وەرنەگیرا، بەدوای ئەوەشدا خەشان پەنای بۆ دادگای فیدراڵی برد.

 

دادگاى باڵاى فیدراڵى عێراق کارى دەستەى سەرۆکایەتى هەڵبژێردراوى پەرلەمانى هەڵپەسارد، تا یەکلاییکردنەوەى تانەى دوو پەرلەمانتار.  

بەپێی بەڵگەنامەیەکى دادگا کە دەست "ناس کورد" کەوتووە، بڕیارەکە لەسەر بنەماى تانەى باشم خەشان و مەحمود داود ئەندامانى پەرلەمان دەرکراوە لەدى محەمەد حەلبوسى سەرۆکى پەرلەمان و دوو جێگرەکەى کە تێیدا بانگەشەى ئەوە کراوە دانیشتنى پەرلەمان پێشێلکاریی یاسایی تێدا بووە.    

دادگاى فیدراڵى کارەکانى دەستەى سەرۆکایەتى پەرلەمانى هەڵپەسارد