گه‌ڕان

Shadow Shadow
سیاسه‌تی

زانیاریی زیاتر

مەسعود بارزانی داوایەک لە پەرلەمانتارانی حزبەکەی لە بەغدا دەکات

2022.01.13 - 20:58
App store icon Play store icon Play store icon
مەسعود بارزانی داوایەک لە پەرلەمانتارانی حزبەکەی لە بەغدا دەکات

ناس کورد- 

مەسعود بارزانی، لەگەڵ فراکسیۆنی حزبەکەی لە پەرلەمانی عێراق کۆبووەوە و پەرلەمانتارێکیش دەڵێت، ڕێنوێنی کردوون کە لەنێو پەرلەمانی عێراق نەبنە لایەنگری ھیچ کەس و پێکھاتەیەک.

کەناڵی ناس کورد لە تێلیگرام جۆین بکە   

 

یادگار مەحمود، پەرلەمانتاری فراکسیۆنی پارتی لە پەرلەمانی عێراق (پێنجشەممە 13-1-2022)  بە میدیای فەرمیی حزبەکەی ڕاگەیاند، "ئەمڕۆ وەک فراکسیۆنی پارتی لەگەڵ سەرۆک بارزانی کۆبووینەوە و پێی وتین کە پێویستە پەرلەمانتارانی پارتی نوێنەری ڕاستەقینەی خەڵکی کوردستان بن لە پەرلەمانی عێراق.''

 

ئاماژەی بەوەشکردووە، "سەرۆک بارزانی ڕێنوێنیی کردین لە ماوەی چوار ساڵی داھاتوودا زۆرترین کار بۆ بەدەستھێنانی مافە دەستوورییەکانی خەڵکی کوردستان بکەین، چ وەک مافە نەتەوەییەکان، یان بودجە و شایستە داراییەکانی خەڵکی کوردستان، جەختی لەسەر ئەوەش کردەوە کە ئەوەی لە دەستمان بێت بۆ خەڵکی کوردستان درێغی نەکەین.''

 

بەوتەی ئەو پەرلەمانتارە، پەیامێکی دیکەی بارزانی بۆ فراکسیۆنی پارتی ئەوە بووە، "لەنێو پەرلەمانی عێراق نەبینە لایەنگری ھیچ کەس و پێکھاتەیەک، بەڵکو زیاتر لەو لایەنانە نزیک ببنەوە کە لەگەڵ مافەکانی خەڵکی کوردستانن."