ئەمەریکا پیرۆزبایی لە محەمەد حەلبوسی کرد

ناس کورد- 

لە ڕاگەیەنراوێکدا نوسینگەی سەرۆکی پەرلەمانی عێراق ڕایگەیاند، محەمەد حەلبوسی پەیوەندییەکی تەلەفۆنی لە وەزیری دەرەوەی ئەمریکا پێگەیشت و بانگهێشت کرا تا لە نزیکترین کاتدا سەردانی ئەمریکا بکات.

کەناڵی ناس کورد لە تێلیگرام جۆین بکە   

 

دەقی ڕاگەیەنراوەکە: 

 

محەمەد حەلبوسی سەرۆکی ئەنجومەنی نوێنەران، ئەمرۆ پێنجشەممە، پەیوەندییەکی تەلەفۆنی لە بەرێز ئەنتۆنی بلینکن وەزیری دەرەوەی ئەمریکا پێگەیشت؛ بەمەبەستی پیرۆزبایی بە بۆنەی دووبارە هەڵبژاردنەوەی بۆ سەرۆکی ئەنجومەنی نوێنەران بۆ خولی پێنجەم، و هیوای سەرکەوتنی بۆ بەرێزیان خواست، هاوکات وەزیری دەرەوەی ئەمریکا بانگهێشتی بەرێزیانی کرد تا لەنزیکترین کاتدا سەردانی ئەمریکا بکات و تەئکیدی کردەوە لەسەر بەردەوامی هاریکاری نێوان هەردوو وڵات لەسەرجەم بوارەکان. 

 

=========

 نوسینگەی ڕاگەیاندنی

سەرۆکی ئەنجومەنی نوێنەران

13 کانونی دووەم  2022