گه‌ڕان

Shadow Shadow
سیاسه‌تی

کوڕەکەی سوڵتان هاشم بە شیعرێک کاری پەرلەمان دەست پێدەکات

2022.01.12 - 21:45
App store icon Play store icon Play store icon
کوڕەکەی سوڵتان هاشم بە شیعرێک کاری پەرلەمان دەست پێدەکات

ناس کورد-

 

خالید سوڵتان هاشم، كوڕی دوا وەزیری بەرگریی رژێمی سەدام بەشیعرێک کارى پەرلەمانتارى دەستپێکرد.

کەناڵی ناس کورد لە تێلیگرام جۆین بکە   

 

خالید سوڵتان کە لەسەر لیستى ئوسامە نوجێفی لەپارێزگاى نەینەوا سەرکەوتنى بەدەستهێنا و بووە پەرلەمانتار لە تویتێکدا شیعرێکى بڵاوکردووەتەوە و نوسیویەتى "سوێند بەخوا خەو ناچێتە چاومان تا دوێنێت بۆ دەگەڕێینەوە کە رۆیشت، ئەوە ئەمڕۆ ئێمە دەستمانپێکرد ئەوەى کە هەوڵمان بۆ دەدا".

No description available.

دادگای تەمیزی فیدراڵی لە كۆتایی حوزەیرانی 2021 تانەی خالید سوڵتان هاشمی قبوڵ كرد و گێڕایەوە بۆ بەشداریكردن لە كێبەركێی هەڵبژاردن پاش ئەوەی بەتۆمەتی بەعسیبوون لەلایەن دەستەی لێپرسینەوە و دادگەرییەوە دوور خرابوویەوە.

 

بەگوێرەی بڕیارەكەی دادگا كوڕەكەی سوڵتان هاشم ئەندامی هیچ دەزگایەكی داپلۆسێنەری بەعس نەبووە، بۆیە دوورخستنەوە نایگرێتەوە.   

  

سوڵتان هاشم سەرەتا پارێزگاری نەینەوا بووە، پاشان سەرۆك ئەركانی سوپا و دواتر وەزیری بەرگری لەنێوان ساڵانی 1995_ 2003. لە ساڵی 2003 دەستگیركرا و بەتۆمەتی بەشداریكردن لە تاوانەكانی ئەنفالی كوردستان بە سزای لەسێدارەدان سزا درا، لە ساڵی 2020 بە جەڵتەی دڵ كۆچی دوایی كرد. 2020.