گه‌ڕان

Shadow Shadow
سیاسه‌تی

308 ملیار دینار

بەغدا شایستەى سێ ساڵى جوتیارانى هەرێم خەرجدەکات

2022.01.12 - 20:08
App store icon Play store icon Play store icon
بەغدا شایستەى سێ ساڵى جوتیارانى هەرێم خەرجدەکات

ناس کورد-

 

نوێنەرانى جوتیارانى هەرێم و ئە‌مینداری ئە‌نجومە‌نی وە‌زیرانی عێراق کۆبوونەوە و رێککەوتن لەسەر خەرجکردنى شایستەى سێ ساڵى جوتیاران بەشێوەیەک بخرێتە ناو بودجەى ئەمساڵەوە و بڕیارى لەسەرۆک وەزیران بۆ وەربگیرێت.

کەناڵی ناس کورد لە تێلیگرام جۆین بکە   

 

موسەننا ئەمین ئەندامى پەرلەمانى عێراق و بەشداربووى کۆبوونەوەکە  (12_1_2022) لە راگەیەنراوێکدا رایگەیاند، لە کۆبوونەوەکەدا باس لە‌ كێشە‌و شایستە‌ ومافە‌ داراییە‌كانی جوتیارانی ھە‌رێمی كوردستان كرا ، كە‌بڕی ( ٣٠٨)ملیار دینارە‌، ساڵە‌كانی ( ٢٠١٤-٢٠١٥-٢١٠٦) ماوە‌ خە‌رجنە‌كراوە‌ بۆ جوتیاران.

 

ئاماژەى بەوەشکردووە، ئە‌مینداریە‌تی ئە‌نجومە‌نی وە‌زیران دوای وە‌رگرتنی ڕوونكردنە‌وە‌ی پێویست لە‌‌ نوێنە‌ری وە‌زارتی بازرگانی ، ڕێكکە‌وتن لە‌سە‌ر ئە‌وە‌ی لەسە‌رۆك وە‌زیرانی عێراق بڕیارێك وە‌ربگرن كە‌ ئە‌و بڕە‌ پارە‌یە‌ بخرێتە‌ ناو بودجە‌ی ساڵی ( ٢٠٢٢)  و خەرجبكرێت.

 

بەوتەى ئەو پرلەمانتارە، ئە‌و بڕیارە‌ ئە‌گە‌ر بكە‌وێتە‌ بواری جێبە‌جكردنە‌وە‌ كێشە‌ی لە‌مێژینە‌ی جوتیارانی ھە‌رێمی كوردستان چارە‌سە‌ر دە‌كات.