گه‌ڕان

Shadow Shadow
سیاسه‌تی

پۆلیسى سلێمانى دوو ژن و پیاوێک دەستگیردەکات

2022.01.09 - 22:24
App store icon Play store icon Play store icon
پۆلیسى سلێمانى دوو ژن و پیاوێک دەستگیردەکات

ناس کورد-

 

پۆلیسى سلێمانى دەستگیرکردنى سێ تۆمەتبارى بە تۆمەتى جیاجیا راگەیاند، کە دوانیان ژنن.

 

کەناڵی ناس کورد لە تێلیگرام جۆین بکە   

 

بەپێی راگەیەنراوێکى پۆلیس، دوان لەو تۆمەتبارانە بەتۆمەتى دزى دەستگیرکراون، تۆمەتبارەکەى دیکەش  بەپێی ماددەکانی ٢٩٨-٢٨٩ لەیاسای سزادانی عێراقی داواکراو بووە.

 

دەقى راگەیەنراوەکە:



لەچەند چالاکییەکی مەفرەزەکانی بەشی پۆلیسی نەھێشتنی تاوان - نوسینگەی کوردسات بەھاوکاری نوسینگەی ڕۆژھەڵات سێ تۆمەتبار دەستگیرکران.

 

پاش سکاڵای چەند ھاوڵاتییەک کە لەچەند گەڕەکێکی شاری سلێمانی جامی ئۆتۆمبێلەکانیان شکێنراوەو دزیان لێکراوە، دەستبەجێ لەلایەن ھێزەکانی پۆلیسەوە لێکۆڵینەوە بۆ دۆزینەوەو دەستگیرکردنی تۆمەتبار دەستیپێکرد، دوای وەرگرتنی بڕیاری بەڕێز دادوەر، توانرا تۆمەتبارەکە بدۆزرێتەوەو لەلایەن بەشی پۆلیسی نەھێشتنی تاوانی سلێمانی - نوسینگەی کوردسات، بەھاوکاری نوسینگەی ڕۆژھەڵات دەستگیربکرێت.

 

تۆمەتبار (م، ط، ت) لەدایکبووی ٢٠٠١ دانی بەتاوانەکەیدا ناوەو لەچەند نوسینگەیەکی دیکەی نەھێشتنی تاوان داواکراو بوەو لەئێستادا بەبڕیاری بەڕێز دادوەر بەپێی ماددەی ٤٤٦ ڕاگیراوە.

 

لەلایەکی دیکەوەو دوای سکاڵای ھاوڵاتییەک کە بڕی ٢ ملیۆن و ٤٠٠ ھەزار دیناری عێراقی لێ دزراوە، دەستبەجێ ھێزەکانی پۆلیس لێکۆڵینەوەکانیان دەستپێکردو لەماوەیەکی کەمدا توانرا ئافرەتێک بەناوی (ک، أ، م) لەلایەن مەفرەزەکانی بەشی پۆلیسی نەھێشتنی تاوانەوە دەستگیربکرێت و لەبەردەم دادوەردا دانی بەتاوانەکەیدا ناوە. تۆمەتباری ناوبراو بەبڕیاری بەڕێز دادوەرو بەپێی ماددەی ٤٤٤ لەیاسای سزادان ڕاگیراوە.

 

ھەرەوەھا پاش وەرگرتنی بڕیاری بەڕێز دادوەر، مەفرەزەکانی بەشی پۆلیسی نەھێشتنی تاوان تۆمەتبارێکیان بەناوی (ت، ھ، س) دەستگیرکرد کە فەرمانی دەستگیرکردنی ھەبوەو بەپێی ماددەکانی ٢٩٨-٢٨٩ لەیاسای سزادانی عێراقی داواکراو بووە.

 

بەڕێوەبەرایەتی پۆلیسی پارێزگای سلێمانی - ڕاگەیاندن و پەیوەندییەکان

May be an image of 1 person and standingMay be an image of 1 person and standingMay be an image of 1 person, standing and indoor