گه‌ڕان

Shadow Shadow
سیاسه‌تی

بەپەلە

لێدوانێک لە عەسائیبەوە لەبارەى کۆبوونەوەى سەدر و چوارچێوەى هەماهەنگى

2021.12.29 - 16:22
App store icon Play store icon Play store icon
لێدوانێک لە عەسائیبەوە لەبارەى کۆبوونەوەى سەدر و چوارچێوەى هەماهەنگى

ناس کورد-

عەسائیبى ئەهلى حەق رایگەیاند، کۆبوونەوەى سەرکردەکانى چوارچێوەى هەماهەنگى لەگەڵ موقتەدا سەدر ئیجابی و بەرهەمدار و بەرپرسیارانە بووە.

کەناڵی ناس کورد لە تێلیگرام جۆین بکە   

 

مەحمود روبەیعى وتەبێژى عەسائیبى ئەهلى حەق لە بەیاننامەیەکدا کە دەست "ناس کورد" کەوتووە رایگەیاند "بەم نزیکانە دانیشتن و گفتوگۆى دیکە دەکرێت بۆ خزمەتکردنى عێراق، هێز و یەکگرتوویی رێگەچارەى نمونەییە بۆ بەدیهێنانى سەروەرى وڵات".

 

پێشتر موقتەدا سەدر، ڕێبەری ڕەوتی سەدر ڕایگەیاند، هەڵوێستى ئەوان پێکهێنانى حكومەتێكی زۆرینە و نیشتمانییە، نە ڕۆژهەڵاتی و نە ڕۆژئاوایی.”  

  

ئەوە دووەمجارە سەدر بە دەستوخەتی خۆی و بە قەڵەمی سور هەمان دەستەواژە لە تویتەر بڵاودەکاتەوە، لەکاتێکدا ئەمڕۆ لە نەجەف پێشوازی لە شاندێکی چوارچێوەی ھەماھەنگی کرد کە شەش لایەنی شیعە لەخۆدەگرێت بەسەرۆکایەتی سەرۆکی ھاوپەیمانیی فەتح، ھادی عامری.  

  

لەدوای کۆبوونەوەکە، هیچ لایەنێک لێدوانی لەسەر چۆنیەتی و ناوەڕۆکی کۆبوونەوەکە نەدا.  

  

چوارچێوەی ھەماھەنگیی ھەریەک لە ھاوپەیمانیی دەوڵەتی یاسا، ھاوپەیمانیی ھێزەکانی دەوڵەت، ھاوپەیمانیی فەتح، بزووتنەوەی عەتا، بزووتنەوەی حقوق و پارتی فەزیلە لەخۆدەگرێت.  

  

بڕیاربوو حەوتی ئەم مانگە، کۆبوونەوەی دووەمی سەرکردەی لایەنەکانی چوارچێوەی ھەماھەنگیی لەگەڵ موقتەدا سەدر لە نەجەف سازکرایە، بەڵام دواخرا.  

  

ئەمەیش دوای ئەوە دێت رۆژی دووی ئەم مانگە سەرکردەی رەوتی سەدر، موقتەدا سەدر لەگەڵ سەرکردەی لایەنەکانی چوارچێوەی ھەماھەنگیی کۆبوویەوە، بەڵام ھیچ وردەکارییەک لەبارەی ناوەڕۆکی کۆبوونەوەکە، بڵاونەکراوەیە.