گه‌ڕان

Shadow Shadow
سیاسه‌تی

پێشبینی نوێ: دوو شەپۆلى بەفر و باران بەڕێوەیە

2021.12.28 - 22:38
App store icon Play store icon Play store icon
پێشبینی نوێ: دوو شەپۆلى بەفر و باران بەڕێوەیە

ناس کورد-

 

پێشبینییە کەشناسییە دورمەوداکان ئاماژە بەئەگەرى دوو شەپۆلى بەفر و باران دەکەن کە بە دوو قۆناغ ناوچەكانی هەرێم دەگرێتەوە و بۆ ماوەی هەفتەیەك بەردەوام دەبێت.

کەناڵی ناس کورد لە تێلیگرام جۆین بکە   

 

بەپێی رێکخراوى ئارمشەى کەشناسی، پێشبینی هاتنی شەپۆلێكی بەفر و بارانی فراوان دەکرێت لەسەرەتای ساڵدا و ڕەنگە بۆ ماوەی هەفتەیەك كاریگەری بمێنێتەوه. بە پێی لێکدانەوەی گۆرانکارییەکانی  مانگە دەستکردەکان، لە نوێترین گۆڕانكاریدا دەرکەوتوە کە شەپۆلەكە زۆڕ باشه و سەرانسەریە بە دوو قۆناغ، بەڵام گۆڕانكاری زۆر بەردەوامە.

 

بەپێی پێشبینییەکە شەپۆلەكە بە دوو قۆناغ دەبێت:

 

قۆناغی یەكەم/ باران بارین ڕۆژی شەممە 1/1/2022 دەستپێدەكات لەپێشدا بارانی پچڕ پچڕ و لاوازە لەشەوی شەممە دەگاتە سەرجەم ناوچەكانی كوردستان و بەھەمان شێوە رۆژی یەك شەممە 2/1/2022 باران بارین بەشێوەی مام ناوەندە.

 

قۆناغی دووەم/ ڕۆژی دوو شەممە 3/1/2022 پێشبینی بارانی بەھێز و تەرزە دەكرێت لەزۆربەی ناوچەكان، پێشبینی لافاو دەكرێت و پێشبینی بارینی بەفری زۆر دەكرێت لەبەشێك لەسەنتەری شار و ناوچە شاخاوییەكان.

 

لاى خۆیەوە، سادق عەتییە کەشناسی عێراقى پێشبینیکرد لەئەمشەوەوە نمە باران لەناوچەکانى باشورى عێراق دەستپێبکات و تا رۆژى چوارشەممە سەرتاسەرى وڵات بگرێتەوە و تا رۆژى هەینى بخایەنێت، رۆژى شەممەش باران دەستپێبکاتەوە و تا سێ شەممە بەردەوام بێت.