گه‌ڕان

Shadow Shadow
سیاسه‌تی

سندوقی خانەنشینی هەرێم چەند بڕیارێکى دەرکرد

2021.12.22 - 18:12
App store icon Play store icon Play store icon
سندوقی خانەنشینی هەرێم چەند بڕیارێکى دەرکرد

ناس کورد-

ئەنجومەنی سندوقی خانەنشینی حکومەتی هەرێمی کوردستان یەکەم کۆبوونەوەى ئەنجامدا و چەند بڕیارێکى دەرکرد.

کەناڵی ناس کورد لە تێلیگرام جۆین بکە   

 

بەپێی راگەیەنراوێکى وەزارەتى دارایی (22ی کانونی یەکەمی 2021)، ئەنجومەنەکە بڕیاریداوە هەماهەنگی بکات لەگەڵ دەستەی خانەنشینی نیشتمانی و سندوقی خانەنشینی حکومەتی عێراقی فیدرال بۆ سوود وەرگرتن لە ئەزموونی ئەوان لە چۆنیەتی بەڕێوەبردنی سندوق و پشت بەستن بە شارەزاکانیان لەم بوارە.

 

دەقى راگەیەنراوەکە:

سەر لە بەیانی ئەمرۆ چوار شەممە ڕێکەوتی 2021/12/22، بە مەبەستی دەست بەکاربوونی ئەنجومەنی سندوقی خانەنشینی لە بەڕێوەبەرایەتی گشتی خانەنشینی حکومەتی هەرێمی کوردستان، یەکەم کۆبونەوەی ئەنجومەنی ناوبراو بە بەشداری هەموو ئەندامانی ئەنجومەنەکە بەڕێوەچوو.

 

شایەنی ئاماژە پێدانە: ڕێکەوتی 2021/12/22، هاوکاتە لەگەڵ دەست بەکاربوونی ئەنجومەنەکە، لەمیانی بەڕێوەچوونی یەکەم کۆبوونەوەی ئەنجومەنی سندوقی خانەنشینی چەند بڕیار و ڕاسپاردەیەکیان خستەڕوو بە مەبەستی بەرەوپێش بردنی کارەکانیان لە ئەنجومەنەکە.

 

بڕیاردرا ئەنجومەن هەماهەنگی بکات لەگەڵ دەستەی خانەنشینی نیشتمانی و سندوقی خانەنشینی حکومەتی عێراقی فیدرال بۆ سوود وەرگرتن لە ئەزموونی ئەوان لە چۆنیەتی بەڕێوەبردنی سندوق و پشت بەستن بە شارەزاکانیان لەم بوارە.

 

ئەوەی ماوەتەوە بڵێین: ئەندامانی بەڕێوەبردنی ئەنجومەنی سندوقی خانەنشین لە (9) کەسی تایبەتمەند پێک هاتووە، لە هەریەک لە (وەزارەتی دارایی و ئابووری و بانکی ناوەندی عێراق/لقی هەرێمی کوردستان و وەزارەتەکانی پلان دانان و پێشمەرگەو ناوخۆ و ئەنجومەنی ئاسایش) سەرپەرشتی دەکەن.