گه‌ڕان

Shadow Shadow
سیاسه‌تی

زانیاریی زیاتر

ئەندامێکی سەرکردایەتی پارتی لەبارەی ’’تۆمەتێک’’ ڕوونکردنەوە دەدات

2021.12.21 - 09:34
App store icon Play store icon Play store icon
ئەندامێکی سەرکردایەتی پارتی لەبارەی ’’تۆمەتێک’’ ڕوونکردنەوە دەدات

ناس کورد- 

چنار سەعد عەبدوڵا، ئەندامی سەرکردایەتی پارتی ڕەتیدەکاتەوە خاوەنی هیچ پڕۆژەیەکی خزمەتگوزاری و بازرگانی بێت کە بوبێتەهۆی دروستبوونی لافاو و دەڵێت، "بە تەحەداوە دەڵێم کە هیچ پڕۆژەیەکم نییە."

کەناڵی ناس کورد لە تێلیگرام جۆین بکە   

 

لە ڕوونکردنەوەیەکدا چنار سەعد عەبدوڵا، ئەندامی سەرکردایەتی پارتی ڕایگەیاند، "لەپاڵ ئەو ڕووداوە ناخۆشەدا کە بەهۆی لافاوەکەی هەولێرەوە ١٢ کەس بوونە قوربانی و هەمومانی زۆر خەمبار کردووە، لە تۆڕەکۆمەڵایەتییەکاندا پەیجێک ڤیدیۆ و وێنەی پڕۆژەیەک بڵاو دەکاتەوە کە گوایە هی منە و بووەتە هۆکاری لافاوەکە و زەرەرگەیاندن بە بەشە ناوخۆیی شەهید شەوکەت شێخ یەزدین." 

 

ئاماژەی بەوەشکردووە، " گشت لایەک ئاگادار دەکەمەوە کە من بەتەحەداوە ڕایدەگەیەنم نە خاوەنی ئەو پڕۆژەیەم و نەهیچ پرۆژەیەکی تری سەرمایەگوزاری و بازرگانی." 

 

ئەوەشی خستووەتەڕوو، " بۆیە لەپێناو دووبارە نەبوونەوەی ئەو جۆرە کارەساتانە و بنبڕکردنی دیاردەی تەجاوز و گەندەڵی جا هەر کەس و لایەنێکی لەپشت بێت، داوا لە لایەنی پەیوەنداری بەڕێز دەکەم لێکۆڵینەوە لەوبارەیەوە بکات و سزای هەموو ئەو کەس و لایەنانە بدات کە هۆکاری ئەو دۆخەن بەبێ جیاوازی."